Gaspar Meana
Vida
Nacimientu Xixón, 1960[1] (63/64 años)
Nacionalidá España
Estudios
Llingües falaes castellanu
asturianu
Oficiu historietista, escritor
Cambiar los datos en Wikidata

Gaspar Meana González (1960, Xixón), ye un dibuxante y guionista de cómic, ilustrador y escritor asturianu.

Dende bien mozu siéntese interesáu pol dibuxu y por ello ingresa na Escuela d'Artes d'Uviéu, de la que se gradúa en dibuxu publicitariu en 1985.

La so obra más conocida ye la Crónica de Leodegundo, un trabayu nel que afonda na historia del Reinu d'Asturies, narrando los grandes fechos d'Asturies, Europa, el Magreb y Oriente Próximu a lo llargo de 180 años (sieglos VIII y IX). El trabayu ta compuestu por 25 álbumes con 48 páxines cada unu y constituye una especie de proyeutu vital del autor, rematando la xera nel añu 2006, cola publicación de La última pallabra (850-960 d.C.). Estos álbumes fueron asoleyaos en llingua asturiana con versiones de dellos autores (Vicente García Oliva o Antón García). Otru de los sos trabayos en cómic más reconocíu foi La infanta, el pirata y el niño: El último año de la vieja Gijón (1395). Nesti campu tien collaborao con revistes como El Wendigo, Caja de Dibujo, Avilús, El Gomeru, …

Como ilustrador vien collaborando col diariu El Comercio, de Xixón, aunque tamién llevó la direición artística de la Historia de Asturias de GH Ediciones. Igualmente vien llevando un llabor importante na lliteratura infantil con títulos como El elefante Poff no quiere ser payaso, Ratón que te pilla el gato, Cuentos africanos para niños, El secreto de los alquimistas, La canción de Roxana o Neñures.


Premios

  • Premiu Picu Urriellu en 1992 pol cómic «Los Dioses de Uxal»
  • Premiu Picu Urriellu en 1993 pol cómic «Al Septentrional Bonamí, Príncipe de Nanos»
  • Premiu Haxtur en 1994 por «La Crónica de Leodegundo»
  • Premiu Pegollu en 1994 por «La Crónica de Leodegundo»
  • Premiu Haxtur al Meyor Dibuxu en 2002 por La infanta, el pirata y el niño
  1. ↑ «rexistru d'autoridaes BNE». Consultáu'l 9 xunu 2020.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.