Les fuercies armaes del Reinu Xuníu, conocíes como les Fuercies Armaes britániques o Fuercies Armaes de La so Maxestá, y dacuando de forma oficial como les Fuercies Armaes de la Corona,^[1] abarca una marina de guerra (la Marina Real Británica), un exércitu (l'Exércitu británicu), y una fuercia aérea (la Royal Air Force). El so Comandante en Xefe ye'l monarca británicu, porque son sos, en total les fuercies armaes britániques cuenta con 512 630 combatientes.

Historia

La historia militar británica ye llarga, complexa y bien influyente na historia mundial, especialmente dende'l Sieglu XVII. Conflictos importantes nos que los británicos tomaron parte son la Guerra de los Siete Años y les Guerres Napoleóniques del sieglu XVIII y principios del Sieglu XIX, la Guerra de Crimea na metá del Sieglu XIX y la Primer y Segunda Guerra Mundial del sieglu XX. L'Imperiu británicu, que algamó la so puxanza nos años 1920. Dende'l final de la Segunda Guerra Mundial, les Fuercies Armaes britániques siguieron bien actives y caltienen bases que s'estienden alredor del mundu en llugares como Xipre, Alemaña, Xibraltar, Brunéi y les islles Malvines.

La estructura actual de la direición de la defensa nel Reinu Xuníu empieza en 1964 cuando'l modernu ministru de Defensa (MoD) foi creáu (una forma más evolucionada de la qu'esistía dende 1940). El ministru de Defensa asume les funciones del almirantazgo, ministru de la Guerra y ministru del Aire.

Referencies

Enllaces esternos

• Wikimedia Commons acueye conteníu multimedia sobre Fuercies Armaes britániques.

N'inglés

• Páxina oficial del Ministeriu de Defensa del Reinu Xuníu
• Páxina oficial de la Marina Real Británica
• Páxina oficial del Exércitu Británicu
• Páxina oficial de la Real Fuercia Aérea Británica