Franz Beckenbauer
presidente d'honor FC Bayern München, Alemaña
Vida
Nacimientu	Richard-Wagner-Straße 19 (München) (en) [1], 11 de setiembre de 1945[2]
Nacionalidá	Alemaña Occidental  (1949 -  1990) Alemaña  (1990 -  2024)[3]
Muerte	Salzburgu[4], 7 de xineru de 2024[5] (78 años)
Sepultura	Friedhof am Perlacher Forst (en) [6]
Familia
Fíos/es	Stephan Beckenbauer
Familia	ver Luca Beckenbauer (nietu)[7]
Estudios
Llingües falaes	alemán
Oficiu
Oficiu	futbolista, entrenador de fútbol, atleta profesional (es) , funcionariu, entrenador
Trayeutoria   Equipu 1983–1983 New York Cosmos 25 (2) 1980–1982 Hamburgo S.V. 28 (0) 1977–1980 New York Cosmos 80 (17) 1964–1977 FC Bayern München 439 (64)   Seleición nacional 1965–1977   seleición masculina de fútbol d'Alemaña 103 (14) 1965–1965   seleición de fútbol d'Alemaña B 2 (0) 1964–1964   seleición masculina de fútbol sub-18 d'Alemaña 3 (3)
Participante Copa Mundial de Fútbol de 1974 Copa Mundial de Fútbol de 1970 Copa Mundial de Fútbol de 1966 Eurocopa 1972 Eurocopa 1976 Eurocopa 1988
Posición o especialidá	defensa llibre centrocampista
Pesu	79 kg
Altor	181 cm
Premios	ver Balón d'Oru Bayerische Verfassungsmedaille in Gold [[]] Golden Honorary Ring of the City of Munich Silbernes Lorbeerblatt Orde al Méritu de Baviera Salón de la Fama del Deporte Alemán Premio Steiger Futbolista alemán del añu  (1966) Futbolista alemán del añu  (1968) Futbolista alemán del añu  (1974) Bravo Otto  (1974) Futbolista alemán del añu  (1976) Cruz de la Orde del Méritu de la República Federal d'Alemaña  (1976) BigBrotherAwards  (2005) Bayerischer Sportpreis  (2005) Gran Cruz de la Orde del Méritu de la República Federal d'Alemaña  (2006) Merit Cross of the Lower Saxony Order of Merit (1st class)  (26 xineru 2008) Orde del Méritu de Renania del Norte-Westfalia  (2009) [[]]  (2011) Bayerische Verfassungsmedaille  (2012) [[]]  (2023)
Seudónimu/os	Der Kaiser
IMDb	nm0065325
franzbeckenbauer.de

Franz Anton Beckenbauer (11 de setiembre de 1945, Richard-Wagner-Straße 19 (München) ^(en)  – 7 de xineru de 2024, Salzburgu) foi un futbolista y direutor téunicu alemán. Nomáronlu presidente honorariu del FC Bayern München. Moteyáu El Káiser, ye reconocíu como unu de los meyores futbolistes de tolos tiempos y el más grande na so posición y na historia del so país.

Foi'l capitán de la seleición alemana que ganó la Copa Mundial de Fútbol de 1974 y la Eurocopa 1972, según l'entrenador del mesmu combináu que ganó'l Mundial d'Italia 1990. Llogró amás trés UEFA Champions League, una Copa Intercontinental, una Recopa d'Europa, cuatro Bundesliga y cuatro Copes d'Alemaña cola camiseta del FC Bayern München.

Foi gallardoniáu col Balón d'Oru d'Europa en 1972 y 1976. Ocupa'l 3ᵉʳ llugar nel ranking del Meyor futbolista del sieglu publicáu por IFFHS en 2004.

Beckenbauer foi un xugador versátil. Magar destacaba como mediocampista, afacíase a distintes posiciones nel campu de xuegu, siendo creador de la posición del líbero.^[8]

Beckenbauer en 1990.

Beckenbauer mientres la Copa del Mundu de 1974.

Biografía

Dende mozu espuntó nel equipu TSV Múnich 1860. El FC Bayern Múnich, l'otru equipu de la ciudá qu'entós nun yera más qu'un equipu regular de la Bundesliga, fichólu a los 14 años. Franz Beckenbauer debutó na lliga alemana en 1964 y ablucó al mundu na Copa Mundial de Fútbol de 1966 n'Inglaterra al marcar 4 goles con Alemaña, na que terminó en segundu llugar.

Camiseta utilizada por Beckenbauer nel New York Cosmos en 1977.

Nesta dómina'l Bayern empezó a forxar la so lleenda y convirtióse na nueva potencia mundial a nivel de clubes. Un añu más tarde de la so mítica apaición na Copa Mundial de Fútbol de 1970 en Méxicu, na que llegó a xugar un partíu col brazu en cabestrillu, convirtióse en capitán de la Nationalmannschaft. Alemaña foi protagonista del meyor partíu del tornéu xunto a Italia y terminó en tercer llugar venciendo a Uruguái.

Equí ye onde empieza la dómina dorada del fútbol alemán y del Bayern Múnich. Na Eurocopa en 1972, tuvo una máxica actuación como líder del equipu alemán, equí ganó al anfitrión Bélxica en semifinales por un contundente 2-1 y na final ganando a la Xunión Soviética por un contundente 3-0, quedando conseñáu nel equipu ideal de la copa na posición de líbero. Depués de la Eurocopa consiguió dos tripletes na Bundesliga (1972-1974) y na Copa d'Europa (1974-1976). La imparable maquinaria alemana ganó la Copa del mundu de la que yeren anfitriones. La Copa Mundial de Fútbol de 1974 foi impresionante na fase de grupos. Llogró dos victories por 1-0 sobre la seleición chilena y 3-0 sobre una débil Australia que, anque cayó por 1-0 frente a l'Alemaña Democrática, pudo clasificase como segunda del so grupu a la siguiente fase. Yá na segunda fase, tou pondríase más difícil pos tendría qu'enfrentase a Suecia, Polonia y Yugoslavia, a quien llograría ganar por 2-0 a Yugoslavia, 4-2 a Suecia y un apertáu 1-0 a Polonia que-y daba'l derechu de xugar la final contra la Naranxa Mecánica de Johan Cruyff . Naquella final l'equipu alemán empecipió perdiendo, pero gracies al lideralgu de Beckenbauer y los goles de Müller llogró da-y vuelta y coronóse campeón con un 2-1. Mientres esti periodu de gloria consiguió ganar dos balones d'Oru (1972 y 1976) pol so reconocíu llabor cola seleición alemana y el Bayern Múnich. Finalmente, la so carrera deportiva llegaría al so fin en 1980 en recibiendo un fuerte golpe nos reñones que lu obligaría a dexar el campu de xuegu como xugador y empecipiar la so carrera como entrenador.

Cuando Beckenbauer volvió a la seleición en 1984, dempués de retirase un añu antes, fízolo como direutor téunicu. Sorprendentemente, der Kaiser, que nun tenía nenguna esperiencia como entrenador, llevó al so equipu hasta la final de la Copa Mundial de Fútbol de 1986 en Méxicu, anque cayeron nesti partíu ante l'Arxentina.

N'Italia, na Copa Mundial de Fútbol de 1990, Beckenbauer fixo entá más grande la so lleenda llogrando ser la segunda persona nel mundu en consiguir la Copa Mundial de Fútbol como xugador y como entrenador (fechu que'l brasilanu Mário Zagallo llograra per primer vegada venti años enantes, en 1970).

En 2009, abandonó la presidencia del club alemán FC Bayern München, dexando'l cargu en manes del ex futbolista Uli Hoeneß. Coles mesmes ye'l vicepresidente de la DFB (Deutscher Fussball Bund o Federación Alemana de Fútbol), amás de ser el principal organizador de la Copa Mundial de Fútbol de 2006, xugada los meses de xunu y xunetu n'Alemaña, y de la mesma foi nomáu "Presidente d'honor" del Bayern y "Miembru d'honor" de la Federación alemana de fútbol.

Dopaxe

En 1977, mientres una entrevista pa la revista alemana Stern, Beckenbauer afirmó usar dopaxe sanguineu p'ameyorar el so rindimientu: «Tengo un métodu particular pa calteneme al máximu nivel: la inyeición de la mio propia sangre. Unes cuantes vegaes al mes el mio amigu Manfred Köhnlechner faime una estraición de sangre nun brazu pa depués inyectámela de nuevu nuna nalga. Esto causa una inflamación artificial, lo qu'alza'l nivel de glóbulos coloraos y blancos, y el rindimientu xeneral del organismu».^[9][10] Nel añu nel que se fixeron estes declaraciones, esti tipu de práutiques inda nun yeren illegales nel ámbitu del deporte.

En 2013 espublizóse un informe nel que se probaba'l dopaxe sistemáticu de los deportistes alemanes de la República Federal d'Alemaña nos años 50 y 60.^[11] Nesti informe afírmase que trés futbolistes ensin identificar de la seleición d'Alemaña Federal dieron positivu por efedrina tres la final del Mundial de 1966. Mientres un alderique na cadena de televisión pública alemana ZDF, Beckenbauer afirmó que nunca tomara nada ensin saber lo que yera, anque darréu dixo que l'equipu médicu suministrába-yos inyeición de vitamines de les que nun sabía más detalles.^[12]

Clubes

Club	País	Añu
Bayern Múnich	Alemaña	1964 - 1977
New York Cosmos	Estaos Xuníos d'América	1977 - 1980
Hamburger SV	Alemaña	1980 - 1982
New York Cosmos	Estaos Xuníos d'América	1982 - 1983

Estadístiques

Equipu	Temporada	Lliga		Copa Nacional		Copa Internacional		Total
		Partíos	Goles	Partíos	Goles	Partíos	Goles	Partíos	Goles
Bayern Múnich Alemaña	1963/64	6	2	-	-	-	-	6	2
	1964/65	37	17	-	-	-	-	37	17
	1965/66	33	4	6	1	-	-	39	5
	1966/67	33	0	5	0	9	0	47	0
	1967/68	28	4	4	0	7	1	39	5
	1968/69	33	2	6	0	-	-	39	2
	1969/70	34	6	1	0	2	0	37	6
	1970/71	33	3	9	1	8	1	50	5
	1971/72	34	6	6	1	7	1	47	8
	1972/73	34	6	6	0	6	1	46	7
	1973/74	34	5	4	0	10	1	48	5
	1974/75	33	1	3	0	7	1	43	2
	1975/76	34	5	7	2	11	0	52	7
	1976/77	33	3	4	0	-	-	37	3
	Total	406	66	55	5	67	6	528	74
New York Cosmos  Estaos Xuníos d'América	1977	15	4	-	-	-	-	15	4
	1978	27	8	-	-	-	-	27	8
	1979	12	1	-	-	-	-	12	1
	1980	26	4	-	-	-	-	26	4
	1983	25	2	-	-	-	-	25	2
	Total	105	19	-	-	-	-	105	19
Hamburger SV Alemaña	1980/81	18	0	1	0	-	-	19	0
	1981/82	10	0	3	0	5	0	18	0
	Total	28	0	4	0	5	0	37	0
Total		539	83	59	5	72	6	670	93

Seleición nacional

Participaciones en fases finales

Copa Mundial de Fútbol

Mundial	See	Resultáu	Partíos	Goles	Media goliadora
Copa Mundial de Fútbol de 1966	Inglaterra	Subcampeón	6	4	0.67
Copa Mundial de Fútbol de 1970	Méxicu	Tercer puestu	5	1	0.2
Copa Mundial de Fútbol de 1974	Alemaña	Campeón	7	0	0
Total			18	5	0.28

Eurocopa

Copa	See	Resultáu	Partíos	Goles	Media goliadora
Eurocopa 1972	Bélxica	Campeón	2	0	0
Eurocopa 1976	Yugoslavia	Subcampeón	2	0	0
Total			4	0	0

Entrenador

Mundial	See	Resultáu	J	G	Y	P	GF	GC	Dif
Copa Mundial de Fútbol de 1986	Méxicu	Subcampeón	7	3	2	2	8	7	1
Copa Mundial de Fútbol de 1990	Italia	Campeón	7	5	2	0	15	5	10
Total			14	8	4	2	23	12	11

Palmarés como xugador

Campeonatos nacionales

Títulu	Club	País	Añu
Copa d'Alemaña	FC Bayern München	Alemaña Occidental	1966
Copa d'Alemaña	FC Bayern München	Alemaña Occidental	1967
1. Bundesliga	FC Bayern München	Alemaña Occidental	1969
Copa d'Alemaña	FC Bayern München	Alemaña Occidental	1969
Copa d'Alemaña	FC Bayern München	Alemaña Occidental	1971
1. Bundesliga	FC Bayern München	Alemaña Occidental	1972
1. Bundesliga	FC Bayern München	Alemaña Occidental	1973
1. Bundesliga	FC Bayern München	Alemaña Occidental	1974
NASL	New York Cosmos	Estaos Xuníos d'América	1977
NASL	New York Cosmos	Estaos Xuníos d'América	1978
NASL	New York Cosmos	Estaos Xuníos d'América	1980
1. Bundesliga	Hamburger SV	Alemaña	1982

Copes internacionales

Títulu	Seleición	See	Añu
Eurocopa	Alemaña Occidental	Bélxica	1972
Copa Mundial de Fútbol	Alemaña Occidental	Alemaña Occidental	1974

Títulu	Club	See	Añu
Recopa d'Europa	FC Bayern München	Alemaña Occidental	1967
Lliga de Campeones de la UEFA	FC Bayern München	Alemaña Occidental	1974
Lliga de Campeones de la UEFA	FC Bayern München	Alemaña Occidental	1975
Lliga de Campeones de la UEFA	FC Bayern München	Alemaña Occidental	1976
Copa Intercontinental	FC Bayern München	Alemaña Occidental	1976

Palmarés como entrenador

Campeonatu nacionales

Títulu	Club	País	Añu
Bundesliga	FC Bayern München	Alemaña	1994

Copes internacionales

Títulu	Seleición	See	Añu
Copa Mundial de Fútbol	Alemaña Occidental	Italia	1990

Títulu	Club	See	Añu
Copa de la UEFA	FC Bayern München	Alemaña	1996

Referencies

Filmografía

• Documental TVE (30/04/2013), «Conexón vintage - Beckenbauer contra Cruyff, 1974» en rtve.es

Enllaces esternos

• Wikimedia Commons acueye conteníu multimedia sobre Franz Beckenbauer .
  • Páxina web oficial (n'alemán)
• Franz Beckenbauer na Internet Movie Database (n'inglés)
• Franz Beckenbauer n'AllMovie (n'inglés)
• Franz Beckenbauer en FilmAffinity (castellán)
• «Franz Beckenbauer». en Find a Grave. (n'inglés)
• Franz Beckenbauer en Facebook
• Franz Beckenbauer en Twitter
• Ficha de Franz Beckenbauer na FIFA
• Ficha de Franz Beckenbauer na UEFA
• Franz Beckenbauer na BDFA (castellán)
• Franz Beckenbauer en Soccerway (n'inglés)
• Franz Beckenbauer en Transfermarkt (n'inglés)
• Franz Beckenbauer en National-Football-Teams (n'inglés)
• Franz Beckenbauer en worldfootball.net

Predecesor: Johan Cruyff Oleg Blokhin	Balón d'Oru 1972 1976	Socesor: Johan Cruyff Allan Simonsen
Predecesor: Carlos Salvador Bilardo 1986	Entrenador Campeón Mundial de Fútbol 1990	Socesor: Carlos Alberto Parreira 1994