Frank Braña
Vida
Nacimientu	La Puela, 24 de febreru de 1934
Nacionalidá	España
Muerte	Majadahonda, 13 de febreru de 2012[1] (77 años)
Causa de la muerte	insuficiencia respiratoria
Estudios
Llingües falaes	castellanu
Oficiu	actor de cine, actor de televisión
Xéneru artísticu	western
IMDb	nm0106394

Francisco Pérez Braña (24 de febreru de 1934, La Puela – 13 de febreru de 2012, Majadahonda) foi un actor asturianu, conocíu col nome artísticu de Frank Braña.

Biografía

Frank Braña, Hai sbagliato... dovevi uccidermi subito! (1972)

Frank trabayó como mineru de rapaz p'ayudar na familia enfrermando de silicosis.

Entamó la so carrera como extra en películes d'aición coles que llegó a facese 17 rotures y nos famosos westerns d'Almería, llegó a trabayar con Sergio Leone nuna buena riestra de Spaghetti-Western, asina consiguió ser el actor que más veces matara a los buenos. De Braña puede dicise que ye l'actor que más veces interpretó'l de malu n'España, Golpe de mano foi'l film de mayor éxitu na so carrera tando más de seis meses na Gran Vía madrileña, actuó igualmente nun buen númberu de series de televisión. Trabayó con grandes actores como Fernando Rey, Francisco Rabal o Eduardo Fajardo, arriendes de conocer a gran cantidá d'artistes de fama internacional como Clint Eastwood, Henry Fonda, Charles Bronson, Claudia Cardinale, Jason Robards Jr., Oliver Reed, Terence Hill o Bud Spencer.

Francisco Braña Pérez nació en 1934 en La Puela d'Allande, fíu d'un guardia civil, los constantes destinos del padre lleváronlu per residencies en Negueira, Fonsagrada, Ozcos, Doiras, Navia, Ḷḷuarca y Xixón. En Navia contautó col cine pues de nenu acudía al Cine Fantasio, que sigue conservándose, y pa entrar gratis trabayaba d'ayudante. Con trece años trabaya na construcción en Xixón, nel túnel de Noreña y en La Camocha. Cesa en 1954 pa ingresar na Guardia Civil pero por silicosis ñégase-y la entrada. Deprendió a manexar, inglés y boxéu. Empezó faciendo pequeños papeles d'extra como especialista nel cine pola fortaleza física. En Madrid y consigue un papel na película de Gonzalo Delgrás Café de Chinitas (1960) gracias a l'amistá con Margarita Delgrás que lu recomienda pa los Estudios Bronston onde supera una prueba pa Rei de reis como doblador d'escenes peligroses. Nun sabía montar en caballu pero yá s'apañaría. Ganaba 550 pesetes diaries, munchísimo, y nin siquiera salía nos créitos. Adopta'l nome de Frank Braña. Sabiendo inglés, un gayasperu físicu y unos impresionantes güeyos claros abrieron-y les puertes a producciones estranxeres rodaes n'España, de vaqueros o históriques. Xunta trabayos suyos onde sólo aparecía como especialista como El Colosu de Rodes, onde conoció a Sergio Leone, les primeres películes suyes acreditaes como actor fueron Los corsarios del Caribe (1961), Horizontes de Lluz (1962), Xuegu d'homes, Perséu l'invencible, Robaron una estrella, Los conquistadores del Pacíficu (1963), La carga de la policía montada, Los siete bravísimos, Brandy, L'home de la dilixencia, Los rurales de Texes, La tumba del pistoleru, Fuerte perdíu (1964), Joaquín Murrieta, Jandro, The Last of the Mohicans, La frontera de Dios, Tierra de fueu, Adiós gringu, Una tumba pal xérif (1965), Xugando a morrer, Mestizu, Dos contra Al Capone, El ranchu malditu (1966), Silenciu, El preciu d'un home, L'home que mató a Billy el Neñu, Una bruxa ensin escoba, Un home vino pa matar, Dios perdona... ¡yo, non!, Cara a cara, Sugar Colt (1967), Quince hores pa un asesín, Dos homes van morrer, La hora del coraxe, Quiérolu muertu, Persecución hasta Valencia, El sabor del odiu, Comandos, El secretu del capitán O'Hara (1968), La residencia, El zorru xusticieru, Santu frente a la muerte, La moza del Nilo, Ensin aliendu, El proscritu del ríu Coloráu, Garringu, Johnny Ratón, La muerte d'un presidente, Los diaños de la guerra (1969). Participó na triloxía de Sergio Leone: Por un puñáu de dólares, La muerte tenía un preciu y El buenu, el feu y el malu.

A partir de 1970 el so nome aparecerá ya siempre destacáu. Nos años 1970 participó en 59 películes con Guiliano Carnimeo, Mario Bianchi o Leon Klimovsky y en westerns de José Antonio de la Loma, Rafael Romero Marchent o Juan Bosch qu'almiraron a Hollywood. Participa en Nicolás y Alexandra (1971) en Delirios de gandura (1971) y nun capítulu de Curro Jiménez tituláu La trampa.

Llueu vendríen más películes como Duelo a muerte;Yo, el Vaquilla o Misteriu na islla de los monstruos ésta con escenes rodaes en Outur. Rueda tamién comedies como Don Xuan el mio queríu pantasma y episodios de La casa de los enguedeyos o Los lladrones van pa la oficina. Los últimos trabayos fueron en L'hibiernu de les anxanes, Maestros, Tiovivu, Carla, y dos episodios de la serie Martes de Carnaval.

Frank Braña rodó unes 167 películes en cinco continentes. Non toes fueron actuaciones destacaes. Munches veces el so papel consistía en cayer del caballu o morrer al principiu la película. Por ello ye l'actor que más veces morrió nes películes, unes 164 veces y unes quinientes actuaciones como especialista. En Golpe de mano (1970) representaba un dinamiteru asturianu que-y dio fama internacional. Otru éxitu foi Perros cayexeros. Trabayó con Clint Eastwood, William Holden, John Carradine, Lex Barker... Rechazó un papel con Pedro Almodóvar. Siempre quiso rodar un guión suyu sobre la posguerra nos montes de la so querida Asturies. Morrió en Collado Villalba en 2012 aquexáu de la so eterna mala salú de fierru.

Reconocimientos y premios

• Algamó'l Premiu al Meyor Actor Principal, de la Universidá de Navarra, pol cortumetraxe: El viejo y el mar del guionista y realizador Enrique Rodríguez.
• Foi unu de los artistes españoles más reclamaos pol cine norteamericanu (unos cincuenta filmes), actuó en diverses producciones americanes dao que yera unu de los pocos actores que falaba inglés. Recientemente actuó en películes de terror y fantástiques.
• Premiu d'Honor a títulu póstumu del 8u Festival de Cine Asturianu celebráu n'Uviéu en 2013.

Filmografía

Referencies

Enllaces esternos

• Wikimedia Commons acueye conteníu multimedia sobre Frank Braña .