Francisco Montealegre Fernández | |
|---|---|
| Vida | |
| Nacimientu | 1818 |
| Nacionalidá |
 Costa Rica |
| Muerte | 1875 (56/57 años) |
| Familia | |
| Padre | Mariano Montealegre Bustamante |
| Hermanos/es |
|
| Oficiu | políticu |
 | |
Francisco Montealegre Fernández (1818 – 1875) foi un políticu y empresariu costarricense.
Datos personales
Nació en San Xosé, Costa Rica, en 1818. Foi fíu de Mariano Montealegre Bustamante y Gerónima Fernández Chacón. Casóse con Victoriana Gallegos Sáenz, fía del Xefe d'Estáu José Rafael de Gallegos y Alvarado.
Estudios
Cursó estudios de comerciu na Gran Bretaña.
Actividá empresarial
De regresu en Costa Rica participó viviegamente na vida empresarial. Foi dueñu de pervalibles faciendes cafetaleres y sociu y alministrador del poderosu Bancu Anglu-Costarricense, y participó n'otres actividaes, tales como la importación y venta de mercaderías britániques y l'esplotación de mines d'oru.
Cargos públicos
Mientres la primer fase de la guerra contra los filibusteros de William Walker foi edecán del Presidente Juan Rafael Mora Porras, xunto col so hermanu Mariano Montealegre Fernández. De 1858 a 1859 foi tamién Diputáu por San Xosé y figuró ente los adversarios de l'aprobación del tratáu Caña-Xerez, que dexó a Costa Rica ensin accesu al llagu de Nicaragua y con un llindáu derechu de navegación nel cursu inferior del ríu San Juan.
Anque s'atopaba ausente del país en 1859, cuando se produció'l golpe militar que derrocó a Mora y llevó al poder al so hermanu José María Montealegre Fernández, mientres el gobiernu constitucional d'ésti (1860-1863) tuvo una importante participación política, yá que foi Secretariu de Facienda y Comerciu y Designáu a la Presidencia.
Precandidato presidencial
En 1868 el partíu Convención Constitucional anunció la so candidatura a la presidencia de la República pa les eleiciones de 1869, pero tornó tal posibilidá. Foi miembru de les Asamblees Constituyentes de 1869 y 1870.
Exiliu voluntariu y fallecimientu
En 1872 treslladó la so residencia a San Francisco, California, onde morrió en 1875.
Referencies
Enllaces esternos
