Francisco Javier García Valledor | |
|---|---|
 | |
| Vida | |
| Nacimientu | Uviéu, 7 de marzu de 1958 (66 años) |
| Nacionalidá |
 España |
| Estudios | |
| Estudios | Universidá d'Uviéu |
| Llingües falaes | castellanu |
| Oficiu | políticu |
| Creencies | |
| Partíu políticu |
Izquierda Xunida (de 1986 a 2010) Partíu Comunista d'España (dende 1976) |
 | |
Francisco Javier García Valledor (7 de marzu de 1958, Uviéu) ye un políticu asturianu, militante d'Izquierda Xunida dende 1986 a 2010.
Esti políticu afincáu en Xixón dende 1984, ye llicenciáu en Filosofía y Lletres pola Universidá d'Uviéu. Na so vida profesional foi profesor d'Enseñanza Media nes materies de Xeografía, Historia y Arte nel Colexu de les Ursulines de Xixón, puestu que desempeña anguaño.
Carrera política
Ingresa nel Partíu Comunista d'España en 1976. Nel añu 1977 ye nomáu responsable de l'Agrupación Universitaria del PCA hasta l'añu 1980, del 1980 a 1986 intérnase nel mundu sindical formáu parte de la executiva de la Federación d'Enseñanza de Comisiones Obreres d'Asturies.
En 1986 tres la creación d'Izquierda Xunida, ingresa nesta formación política, na que se militó hasta 2010. En 1991 ye escoyíu coordinador d'Izquierda Xunida na asamblea de Xixón. En 1995 ye escoyíu diputáu de la Xunta Xeneral del Principáu d'Asturies, amás de ser nomáu miembru de la Comisión Executiva d'Izquierda Xunida d'Asturies. Nesa llexislatura (1995-1999) desempeña los cargos de Vicepresidente Segundu y Presidente de la Comisión de Política Cultural. Nes votaciones del añu de 1999 caltién el so escañu de diputáu na Xunta, nesti cargu crea la institución Comisión de Derechu Consuetudinario Asturianu de la que ye nomáu presidente. Dende l'añu 2000 ye voceru d'esquierda xunida asocediendo a Gaspar Llamazares al mandu de la organización.
En distintes etapes, foi tamién miembru de distintos conseyos, y organizaciones polítiques, ente les que cabo destacar: Conseyu d'Alministración y de la Comisión de Control de la Caxa d'Aforros d'Asturies (Cajastur), Conseyu Social de la Universidá d'Uviéu, Asociación d'ayuda al sur (ACSUR-Las Segovias), etc.
Na llexislatura 2003-2007 foi conseyeru de Xusticia ya Interior nel Gobiernu del Principáu d'Asturies. El 17 d'avientu de 2009 presentó'l so acta de dimisión como diputáu nel parllamentu, tres nun acatar la decisión del so partíu de votar a favor nos presupuestos de 2010.[1] Tres esti fechu, barruntóse la posibilidá de la so salida de la formación Izquierda Unida, pa crear una plataforma asturianista, d'izquierdes y ecoloxista, xunto a partíos como Bloque por Asturies y Unidá Nacionalista Asturiana, al envís de concurrir a les eleiciones autonómiques y municipales de mayu de 2011 nel Principáu,[2] plataforma qu'a la fin nun contó col so apoyu. N'ochobre de 2010 abandona de forma definitiva la so militancia n'Izquierda Xunida.[3]
Referencies
- ↑ Valledor deja su cargo de diputado por "coherencia personal" ante sus diferencias con la direición de IU 20 minutos (17/12/2009)
- ↑ Valledor asistirá a los actos del Día d'Asturies convocaos pola plataforma unitaria 8 de setiembre en Xixón Europa Press
- ↑ El ex diputado Francisco Javier García Valledor se da de baja en IU El Comercio (26/10/10)
