Plantía:Ficha d'inmigración Los francófonos d'Ontario (francés: Franco-ontariens) son los francófonos de Canadá residentes n'Ontario. Según el censu canadiense de 2001, había 548.940 francófonos en Ontario (anque namái 304 725 usen el francés como llingua familiar), lo qu'equival al 4,4% de la población provincial. Los francu-ontarienses constitúin la mayor comunidá francófona canadiense fora de Quebec, y la minoría llingüística más grande d'Ontario.
El 70% de los franco-ontarienses utilicen el francés como llingua de trabayu, y namái 2.5% a nivel social.
La población franco-ontariana concéntrase principalmente na zona oriental (41,3% - 226.705 francófonos), en Ottawa, Cornwall y en munches comunidaes rurales, y na zona nordeste (25,2% - 138.585 francófonos), nes ciudaes de Greater Sudbury, North Bay y Timmins según n'otres pequeñes villes. Otres comunidaes con una población francófona importante son Toronto, Windsor, Penetanguishene y Welland. El restu de comunidaes namái tienen dellos pocos francófonos residentes.
Ottawa, con 128.620 francófonos, alluga la mayor comunidá francu-ontariana. Greater Sudbury, (29% de francófonos), tien la mayor proporción de francu-ontarienses ente la población de la ciudá. N'otres llocalidaes más pequeñes son mayoría, como ye'l casu d'Hearst, Azilda, Chelmsford, Kapuskasing, West Nipissing, St-Charles, Clarence-Rockland, Champlain, Alfred, Embrun y Hawkesbury.
Personalidaes francofonas
- Dan Aykroyd, actor.
- Étienne Brûlé, esplorador.
- Andrew Brunette, xugador de ḥoquei.
- Jim Carrey, actor.
- Quintillizas Dionne
- Adam Gontier, guitarrista.
- James LaBrie, virtuosu.
- Avril Lavigne, cantante.
- Justin Bieber, cantante.
- Paul Martin, antiguu Primer Ministru del Canadá de 2003 a 2006.
- Stéphane Paquette, cantante.
- Vincent Poirier, actor.
- Brad Sucks, músicu.
- Gérald Tremblay, alcalde de Montréal.
- Justin Trudeau, Primer Ministru del Canadá.
- Roy Dupuis, actor.
Bandera
La bandera franco-ontariana foi izada oficialmente per primer vegada'l 25 de setiembre de 1975 na Universidá de Sudbury.
Referencies
Enllaces esternos
- Gobiernu d'Ontario, Oficina d'Asuntos Francófonos (n'inglés)
- La fédération de la jeunesse francu-ontarienne (en francés)
