Foru de les Islles del Pacíficu
organismu internacional y organización internacional
Llocalización
Sede Suva
Historia
Fundación1971
Web oficial
Cambiar los datos en Wikidata

El Foru de les Islles del Pacíficu (Pacific Islands Forum, PIF) ye una organización intergubernamental creada col oxetivu de potenciar la cooperación ente los países y territorios del océanu Pacíficu. Fundáu en 1971 como Fórum del Pacíficu Sur (South Pacific Forum, SPF), camudó'l so nome en 1999 pa qu'esti fora más inclusivu dempués de que munchos territorios de los dos hemisferios s'integraran nelli. El Foru tien estatus d'observador na Asamblea Xeneral de les Naciones Xuníes.

La misión del Foru ye «trabayar, n'apoyu de los gobiernos de los miembros del Foru, p'ameyorar el bienestar social y económicu de los pueblos del Pacíficu Sur mediante la cooperación ente gobiernos y ente axencies internacionales, y representar los intereses de los miembros del Foru na forma alcordada por ellos». Les sos decisiones llévelas a la práctica'l Secretariáu (Pacific Islands Forum Secretariat, PIFS), un muérganu institucional desarrolláu a partir de la Axencia del Pacíficu Sur pa la Cooperación Económica (South Pacific Bureau for Economic Co-operation, SPEC). Amás del so papel como harmonizador de les posiciones rexonales en cuestiones polítiques, el Secretariáu desarrolla programes técnicos de desarrollu económicu, tresporte y comerciu.

Australia y Nueva Zelanda son muncho mayores y más ricos que los demás estaos miembros del Foru; Australia tien el doble de población que los otros 17 estaos miembros xuntos, y una economía cinco veces mayor. Por ello son los principales donantes de fondos, y importantes mercaos pa les esportaciones de los otros estaos insulares. Soldaos y policíes de los estaos miembros, principalmente Australia y Nueva Zelanda, conxuntamente con personal civil, tomaron parte nos caberos años n'operaciones de pacificación y estabilización en dalgunos estaos miembros, como les Islles Salomón (dende 2003) y Nauru (2004-2009), por mandatu del Foru. Esta capacidá d'intervención ta avalada pola Declaración de Biketawa, aprobada na 31ª cumbre de xefes d'estáu del Foru, celebrada en Kiribati n'ochobre de 2000. La 50ª cumbre del Foru celebrose en Tuvalu n'agostu de 2019.

Estaos y territorios miembros

En setiembre de 2011 los territorios estauxunidenses de Samoa Americana, Guam ya Islles Marianes del Norte consiguieron l'estatus d'observador del Foru, y en setiembre de 2016 los territorios franceses de Polinesia Francesa y Nueva Caledonia convirtiéronse en miembros de plenu derechu. De magar, tolos territorios insulares y naciones d'Oceanía, sacante'l Territoriu Británicu d'Ultramar de les islles Pitcairn, son miembros o observadores del Foru. A elli pertenez tamién, como observador, Timor Este, magar qu'aveza a consideráselu parte del Asia suroriental.

Map indicating the members and associate members of the Pacific Islands Forum
Estaos y territorios miembros[1]
Bandera de Australia Australia (AU)  Islles Cook (CK) Bandera d'Islles Fixi Islles Fixi (FJ)  Polinesia Francesa (PF)[2]
Bandera de Kiribati Kiribati (KI)  Islles Márxal (MH) Bandera de los Estaos Federaos de Micronesia Micronesia (FM)  Nauru (NR)
 Nueva Caledonia (NC)[2]  Nueva Zelanda (NZ)  Niue (NU)  Paláu (PW)
 Papúa Nueva Guinea (PG) Bandera de Samoa Samoa (WS) Bandera de les Islles Salomón Islles Salomón (SB)  Tonga (TO)
 Tuvalu (TV)  Vanuatu (VU)
Miembros asociaos Observers
 Tokeláu (TK)[2][3] Bandera de Samoa Americana Samoa Americana (AS)  Guam (GU)  Islles Marianes del Norte (MP)
 Timor Oriental

(TL)

 Wallis y Futuna (WF)[4] Organización de les Naciones Xuníes
Bancu Asiáticu de Desarrollu Mancomunidá de Naciones Comisión de Pesca del Pacíficu Occidental y Central
Bancu Mundial
Socios interlocutores
 Canadá  China  Cuba  Xunión Europea
 Francia Bandera d'Alemaña Alemaña Bandera de India India  Indonesia
 Italia  Xapón  Corea del Sur Bandera de Malasia Malasia
 Filipines  España Bandera de Tailandia Tailandia  Turquía
Bandera del Reinu Xuníu Reinu Xuníu  Estaos Xuníos d'América
Socio para el desarrollu
 Taiwán[5]

Referencies

  1. ↑ «Forum Communiqué, Alofi, Niue» (PDF). Thirty-Ninth Pacific Islands Forum. Pacific Islands Forum Secretariat (2008-08-20). Consultáu'l 2008-08-22. The Niue Declaration on Climate Change is Appendix B of this document.
  2. 1 2 3 «Forum Communiqué, Pohnpei, Federated States of Micronesia» (PDF). Forty-Seventh Pacific Islands Forum. Pacific Islands Forum Secretariat (2016-09-10). Consultáu'l 2016-09-15.
  3. ↑ «Tokelau happy as forum associate member». Pacific News. Radio New Zealand International (2016-09-27). Consultáu'l 27 September 2016.
  4. ↑ Unattributed (2008-08-22). «Decision on Wallis bid to join Forum (as Associate Member) deferred». Latest Pacific News Headlines. Radio New Zealand International. Consultáu'l 2008-08-22.
  5. ↑ 國際組織參與現狀
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.