| Fontes d'Iviernu | |
|---|---|
 | |
| Situación | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Ayer |
| Tipu |
estación de esquí (es)  |
| Coordenaes | 43°03′49″N 5°23′41″W / 43.063686°N 5.394683°O |
  Fontes d'Iviernu Fontes d'Iviernu (Asturies) | |
| Datos | |
 | |
Fontes d'Iviernu («Fuentes de Invierno» en castellán) ye un complexu d'esquí asitiáu nel conceyu d'Ayer, n'Asturies, sobre la Cordillera Cantábrica.
Inauguróse'l 1 d'abril de 2007, tien unes instalaciones formaes por trés telesielles, un telesquí y una cinta remontaora, pa 8200 persones y ocho quilómetros esquiables de pista.
Fontes d'Iviernu asítiase na vertiente Asturiana del Puertu San Isidru, a un altor de 1500 m enriba del nivel de la mar. Cunta con trés faces, la baxa a 1500 metros, la media a 1700 metros, y l'alta ya colos 2000 metros. La so orientación ye Norte, que garantiza bona calidá y bayura de ñeve.
La estación entá nun dispón de cañones de ñeve artificial, magar que ta prevista la so instalación. Ye la segunda estación d'esquí d'Asturies, y vecina de San Isidru en Lleón. Xuntes faen el mayor dominiu esquiable del Cordal. Fontes d'Iviernu naz pa la reautivación del conceyu d'Ayer, inmersu nuna fuerte crisis provocada pola reconversión minera.
La estación cunta con:
- 3 pistes verdes: Pequeñu Lloréu, Tonéu y La llana'l Fitu
- 3 azules: Brezales, Entesierres y un pequeñu enllaz
- 6 bermeyes: Abedules, Ayer, La Ḥoya, Arandaneres, Llomba y Piornales
- 3 prietes: Rebecos y los tubos de Tonéu y Entesierres.
Cuntábase con que la estación tuviere xunida por un remonte mecánicu al sector de Riopinos de la so vecina San Isidru, pero pel momentu nun ye posible. Sí que s'ufre un forfait anual conxuntu cola estación, tamién asturiana, de Valgrande Payares, nel conceyu vecín de Ḷḷena.
Ver tamién
- Puertu San Isidru
Referencies
Enllaces esternos
Wikimedia Commons tien conteníu multimedia tocante a Fontes d'Iviernu.
