Fonte escrita ye la fonte documental que davezu emplégase como fonte historiográfica, ye dicir, el mou habitual de caltenimientu de la memoria histórica que los historiadores empleguen pa la reconstrucción, analís ya interpretación del pasáu de la humanidá, ye dicir: la historia.
Nun convién escaecer qu'a lo llargo la historia, namái qu'una minoría producía documentos escritos, colo que nun tener en cuenta más que les fontes escrites, produz un sesgu que privilexa a los llegaos materiales de les clases dirixentes (la historia escríbenla los ganadores), la historia política, la historia militar, la relixón y la ideoloxía dominante. Amás cualsiquier fonte escrita tien de facese como xustificación de les actitúes o fechos del que la produz, poro, deberíen tratase con escepticismu.
Pal tratamietnu de les fontes escrites y la estremadura ente fonte y documentu ver fonte documental.
Pa caúna de les ciencies ausiliares de la historia que tienen que ver coles fontes escrites:
- L'estudiu de los documentos correspuende-y a la diplomática.
- La so conservación y ordenación correspuende-y a l'archivística y la biblioteconomía.
- L'estudiu de la historia de la escritura manual ye la paleografía.
- L'estudiu de los tipos d'imprente ye la tipografía.
- Pa les nueves formes de fixación de les fontes escrites ver teunoloxíes de la información.
