Ficha de softwareFilmAffinity
Versión inicial 2002
Llingua orixinal inglés y castellanu
Tipu sitiu web y base de datos cinematográfica (es) Traducir
Clasificación n'Alexa 2007
N'asturianu Non Non
Más información
Twitter Filmaffinity
Facebook filmaffinity
Instagram filmaffinity
Sitiu web Web oficial
Cambiar los datos en Wikidata

FilmAffinity (del inglés film, película, y affinity, afinidá: afinidá cinéfila) ye un sitiu web dedicáu al cine. Cuenta con una versión n'inglés.[1]

Historia

FilmAffinity foi creáu en Madrid nel añu 2002 pol críticu de cine Pablo Kurt Verdú Schumann y el programador Daniel Nicolás.[2] Dende un principiu la páxina constaba d'un sistema encamentador de películes llamáu "almes ximielgues", que amosaba les persones más allegaes en función de les puntuaciones que se dan a les películes. Trés años dempués llanzóse la seición de crítiques, onde los usuarios espresaben la so opinión sobro una película.[3]

Reconocencies internacionales

La edición americana de PC Magazine (abril de 2004) incluyó FilmAffinity ente los Cien meyores webs por afayar del mundu (100 webs que nun sabíes que podía vivise ensin elles). Nel mesmu númberu, consideróse la meyor web na categoría d'entretenimientu.[4][5]

Carauterístiques principales

Ye un sistema encamentador de cine, con una base de datos onde s'atopa la ficha completa (téunica y artística) de gran cantidá de películes, documentales, curtiumetraxes, mediumetraxes y series de televisión.

Cada película recibe una puntuación calculada como la media de les puntuaciones recibíes polos usuarios, quien tamién pueden publicar les sos crítiques. Éstes pueden ser votaes polos usuarios que les consulten pa dar mayor importancia a les qu'apurran información más relevante sobro les películes.

Cada usuariu puede comparar les sos votaciones coles del restu y atopar a les persones con puntuaciones similares en diches películes. Esti tipu de coincidencia, ye lo que se denomina almes ximielgues na web. La seición de corréu, dexa entablar conversación tanto coles almes ximielgues como colos amigos que se tengan amestaos na web.

FilmAffinity dexa a los usuarios la creación de llistes de películes qu'axunten una determinada carauterística (meyores películes d'aición, peores películes que vio, etc.). Si una película ye amestada nuna mesma llista por distintos usuarios puede pasar a entrar na clasificación de llistes. Tamién dexa ver tolos estrenos de cine y videoclubes, tráilers, recaldación en taquilla y delles clasificaciones de les películes meyor valoraes polos usuarios.

Versión n'otros idiomes

Esiste una versión del sitiu n'inglés, más llindada que la española (por casu, nun dexa al usuariu la publicación de crítiques) y nel futuru espérase una versión n'alemán. En 2016 llanzáronse versiones afeches para EE.XX, Méxicu, Arxentina y Chile, ufiertando los títulos específicos de películes y series en cada casu, según les carteleres y estractos de crítiques de cine de dellos críticos de cada país.[6]

Ver tamién

Referencies

  1. ↑ «FilmAffinity» (inglés). FilmAffinity.
  2. ↑ Daniel Nicolás & Pablo Kurt Verdú. «CONÓCENOS:¿Quiénes somos?¿Cómo nació FilmAffinity?». Consultáu'l 13 d'agostu de 2009.
  3. ↑ El español que viajó a Canadá para montar FilmAffinity, el IMDB patrio Eldiario.es, 2 de setiembre de 2016
  4. ↑ Pantaleoni, Ana (13 de mayu de 2004). «Dos madrileños logran la atención mundial con su páxina 'web' de afinidades cinematográficas». www.elpais.com. Consultáu'l 6 d'abril de 2009.
  5. ↑ «FilmAffinity» (inglés). PC Magazine (20 d'abril de 2004). Consultáu'l 6 d'abril de 2009.
  6. ↑ Filmaffinity inicia su expansión internacional InteractivaDigital.com, 19 de mayu de 2016

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.