Eugenia Martínez Vallejo
Vida
Nacimientu	Bárcena de Pienza, 1674
Muerte	1699 (24/25 años)
Emplegadores	Carlos II d'España

Eugenia Martínez Vallejo (1674, Bárcena de Pienza – 1699) yera una de les persones con defeutos físicos o psíquicos que formaben una pequeña corte al rodiu de los infantes d'España. A Eugenia, hiperobesa, conocíasela en concretu como La Monstrua.

Por embargu, el papel d'estes persones en palaciu yera con frecuencia estraordinariamente valiosu. Bucábaselos como compañía de los infantes, porque la so estatura los aproximaba a ellos, dábase-yos confianza como nenos que yeren. Pero la so edá proporcionaba a los xóvenes príncipes esi profesor continuu o esa dama de confianza qu'aseguraba'l so cuidáu constante, amás de la so diversión.

Davezu los infantes, al facese adultos, conservaben xunto a ellos a estos amigos d'infancia, como'l casu de Sabela Clara Eugenia, la fía de Felipe II, que se retrató de cutiu cola so bufona particular y que lloró como naide la so muerte. Esti retratu foi amás realizáu por ún de los más estimaos pintores del rei, Xuan Carreño de Miranda, que la tomó como modelu delles veces. Carreño retrató la vida de la Corte de Carlos II como nengún otru pintor fixera, amosando la debilidá d'esi rei al que llamaben "fechizáu". Tanto'l tema, l'emplegu de seres humanos diferentes, pintorescos, como la realización pictórica de la obra falen del Barrocu, una época sensual y collorista, na que lo estraño yera singularmente apreciao.

Referencies

Enllaces esternos

• Wikimedia Commons acueye conteníu multimedia sobre Eugenia Martínez Vallejo .