Esther Prieto
Vida
Nacimientu Arenas, 1960[1] (63/64 años)
Nacionalidá España
Estudios
Estudios Universidá d'Uviéu llicenciatura : filoloxía hispánica
Llingües falaes castellanu
asturianu
Oficiu escritora
Cambiar los datos en Wikidata

Esther Prieto (1960, Arenas) ye una escritora asturiana llicenciada en filoloxía hispánica pola Universidá d'Uviéu.

Biografía

La so primera obra escrita en llingua asturiana foi una narración infantil escrita en collaboración con Eva García Vázquez, El curiador d'estrelles (1987). Ye responsable de la edición lliteraria de la obra de dos autores de posguerra, Llorienzu Novo Mier (1991) y Cuno Corquera (1993).

Tamién foi fundadora y codireutora, con Xuan Bello, de la revista Zimbru. Como autora de poesía diose a conocer en 1992 con Edá de la memoria. En 1998 ganó'l Premiu Teodoro Cuesta de Poesía cola obra La mala suerte, conxuntu de poemes intensos y breves onde l'autora s'interroga sobre la muerte y fala de la vida.

La so obra aparez en delles antoloxíes poétiques y tien dos rellatos nel llibru Muyeres que cuenten.

Conocida principalmente como poeta, en 2001 ganó'l Premiu Xosefa Xovellanos de Novela cola obra Güelu Ismail, onde narra la vida del pueblu palestín na primer centuria del sieglu XX. Asina, convirtióse na primer muyer en ganar esti prestoxosu premiu, con una novela que tamién foi la primera escrita por una muyer n'asturianu en cien años -l'anterior ye Viaxe del tíu Pacho el Sordu a Uviedo, d'Enriqueta González Rubín- y la primer novela n'asturianu del Surdimientu escrita por una muyer.

Na actualidá[¿cuándo?] trabaya na editorial Ediciones Trabe, empresa que nel 2012 compró xunto a Samuel Castro, tamién trabayador de la mesma.

Obra espublizada

Poesía

  • Tres de la quema/Después de la quema (2016)
  • La mala suerte (1998)
  • Edá de la memoria (1992) (con Eva García Vázquez)

Narrativa

Referencies

  1. ↑ Identificador BNE: XX1029624. Data de consulta: 9 ochobre 2017. Apaez como: Esther Prieto. Afirmao en: datos.bne.es. Llingua de la obra o nome: castellanu.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.