Esclavitú
Esplotación social y trabajos forzados (es) Traducir
Cambiar los datos en Wikidata

Esclavitú[1] ye la situación na qu'un individuu ta baxo'l dominiu d'otru, perdiendo la capacidá de disponer llibremente de sigo mesmu. La pallabra esclavu vien del griegu medieval sklábos que vien d'eslavu, por ser los eslavos los esclavos más frecuentes cuando apaeció'l términu)[2]

El fenómenu de la esclavitú remóntase a les civilizaciones antigües. Históricamente demostróse que la so razón de ser anicia nel fortalecimientu y sostenimientu de l'actividá económica, darréu que davezu los esclavos emplegábense como mano d'obra, magar qu'hai esceiciones, como los xenízaros, o cierta tribu africana que rapten dalgunos individuos d'otres tribu y dróguenlos con tal escayencia de les sos funciones que namái los usen como preseos sexuales, faciendo tal menospreciu del so físicu (inclusive tando bien alimentaos) qu'acaben morriendo.

Ye de notar que na Natura dase tamién la esclavitú, como exemplu, ciertes formigues que roben ninfes d'otres races de menor tamañu y fáenles trabayar pal so provechu.

Claru ye l'exemplu de la colonización d'América o les práutiques del antiguu Imperiu romanu arriendes de los plantegamientos políticos de la Grecia Antigua au'l mesmu Aristóteles sostién que la esclavitú ye un fenómenu natural. Mintz y Elkins consideren qu'esiste una rellación recíproca ente capitalismu y esclavitú, ellos evidencien que conforme varia el dinamismu del capitalismu, el calter represivu de l'actividá llaboral tamién varia. Otros investigadores como Lester Thurow afirmen que mientres la democracia ye incompatible cola esclavitú, el capitalismu nun lo ye, polo que la esclavitú suel reaparecer na mesma proporción qu'avanzen les formes autoritarias de gobiernu.

El Día Internacional de l'Alcordanza de la Trata d'Esclavos y de la so Abolición celébrase'l 23 d'agostu, mientres que'l Día Internacional pa l'Abolición de la Esclavitú celébrase'l 2 d'avientu

Tamién s'entiende por esclavitú la condición de persones suxetes a los designios d'otres ensin opción a réplica, discrepancia, decisión o protesta.

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.