.svg.png.webp){kind=small}
Coordenaes: 
23h 39m 20.91s, 77° 37′ 56.511″
Errai (γ Cephei / γ Cep / 35 Cephei),[11] tamién conocida como Alrai, ye una estrella binaria na constelación de Cepheus. Distante 45 años lluz del Sistema Solar, tien magnitú aparente +3,22, siendo la segunda estrella más brillosa na so constelación dempués d'Alderamin (α Cephei).
Nome
El nome de Errai, según les diverses variantes —Alrai, Er Rai, Arrai o Al Rai—, provienen del árabe الراعي (ar-rā‘īy), «el pastor», títulu autóctonu d'Arabia. En China, esta estrella yera conocida como Shaou Wei, un guarda menor.[12]
Carauterístiques físiques
La más brillosa de les componentes, Errai A, ye una subxigante naranxa de tipu espectral K1IV y 4920 K de temperatura, en fase d'evolución escontra xigante colorada. 10,6 vegaes más lluminosa que'l Sol, tien un radiu de 4,8 radios solares —valor llográu a partir de la midida direuta del so diámetru angular—.[13] La so metalicidá ye cimeru a la solar nun 38%.[14] Tien una edá averada de 3000 millones años, unos 1600 millones d'años más nuevu que'l Sol, pero al ser más masiva —la so masa envalórase en 1,6 mases solares— la so evolución foi más rápida. Les variaciones nel so espectru suxuren un periodu de rotación de 781 díes.
La estrella acompañante, una nana colorada de clase M1V, ta pocu estudiada. Orbita a una distancia entendida ente 12 y 26 UA al respective de la estrella principal —la órbita ye moderadamente escéntrica— con un periodu orbital ente 57 y 66 años. Tien una masa en redol al 30% o 40% de la masa solar.[13]
Futura Estrella Polar
Por cuenta de la precesión de los equinoccios, Errai va sustituyir a Polaris como Estrella Polar del norte a partir del añu 3000 NE. Hacia l'añu 4000 ye cuando va tar más próxima al polu norte celeste, para, a partir del añu 5200, ser sustituyida por ι Cephei na so condición d'Estrella Polar.
Sistema planetariu
Alredor de la estrella principal del sistema afayóse un planeta, denomináu Gamma Cephei Ab o Errai A1, un 60% más masivu que Xúpiter. Muévese a una distancia media de 2 UA al respective de Errai A, nuna órbita relativamente escéntrica (ε = 0,115) que completa en dos años y mediu.[15]
La órbita d'un hipotéticu planeta terrestre con agua líquido taría asitiada aproximao a 2,9 UA de la estrella —l'equivalente a la llende esterna del cinturón d'Asteroides del Sistema Solar—. Sicasí, el planeta xigante descubiertu puede alteriar tantu la estabilidá como la formación d'un planeta nesta órbita.[16]
| Acompañante (N'orde dende la estrella) |
Masa (MJ) |
Periodu orbital (díes) |
Semiexe mayor (UA) |
Escentricidá |
|---|---|---|---|---|
| Gamma Cephei Ab | > 1,6 | 902,9 ± 3,5 | 2,044 ± 0,0057 | 0,115 ± 0,058 |
Ver tamién
Referencies
- 1 2 3 4 Afirmao en: SIMBAD.
- 1 2 3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Caroline Soubiran (marzu 2008). «Vertical distribution of Galactic disk stars» (n'inglés). Astronomy and Astrophysics (1): páxs. 91–101. doi:.
- ↑ «Abundances in the Local Region II: F, G, and K Dwarfs and Subgiants». The Astronomical Journal (1). 21 avientu 2016. doi:.
- ↑ Caroline Soubiran (agostu 2018). «Gaia Data Release 2. The catalogue of radial velocity standard stars» (n'inglés). Astronomy and Astrophysics: páxs. 7–7. doi:.
- ↑ William D. Cochran (10 marzu 2011). «News From The Gamma Cephei Planetary System». AIP Conference Proceedings: páxs. 88–94. doi:.
- ↑ Gerard T. van Belle (20 avientu 2017). «Fundamental Parameters of 87 Stars from the Navy Precision Optical Interferometer» (n'inglés). The Astronomical Journal (1). doi:.
- ↑ «Direct detection of exoplanet host star companion γ Cep B and revised masses for both stars and the sub-stellar object» (n'inglés). Astronomy and Astrophysics (2): páxs. 777–780. 2 payares 2006. doi:.
- ↑ Christopher J. Corbally (ochobre 2003). «Contributions to the Nearby Stars (NStars) Project: Spectroscopy of Stars Earlier than M0 within 40 Parsecs: The Northern Sample. I» (n'inglés). The Astronomical Journal (4): páxs. 2048–2059. doi:.
- ↑ «Spectral Classification» (n'inglés). Annual Review of Astronomy and Astrophysics (1): páxs. 29-50. setiembre 1973. doi:.
- ↑ Gamma Cephei - Star (SIMBAD)
- ↑ Alrai (The Fixed Stars)
- 1 2 Errai (Stars, Jim Kaler)
- ↑ Soubiran, C.; Bienaymé, O.; Mishenina, T. V.; Kovtyukh, V. V. (2008). «Vertical distribution of Galactic disk stars. IV. AMR and AVR from clump giants». Astronomy and Astrophysics 480 (1). páxs. 91-101 (Tabla consultada en CDS). http://cdsads.u-strasbg.fr/cgi-bin/nph-bib_query?2008A%26A...480...91S&db_key=AST&nosetcookie=1.
- ↑ Gamma Cephei Ab (The Estrasolar Planets Encyclopaedia)
- ↑ Errai (Solstation)
