La entomoloxía (del griegu éntomos, «inseutu», y logos, «ciencia») dedicase l'estudiu científicu de los inseutos.[1] De cerca de les 1,3 millones d'especies descrites, los inseutos constitúin más de los dos tercios de tolos seres vivos conocíos y, amás, tienen una llarga historia fósil, yá que la so apaición remontase al Devónicu, hai unos 400 millones d'años.[2] Tienen munches formes d'interacción colos humanos y con otres formes de vida na Tierra; ye asina que la entomoloxía constitúyese una especialidá importante dientro de la zooloxía. La entomoloxía inclúi, con frecuencia, l'estudiu d'otros artrópodos, como arácnidos, crustáceos y miriápodos, anque esta estensión seya téunicamente incorreuta.

Historia de la entomoloxía

La entomoloxía tien los sos raigaños en cuasi toles cultures dende tiempos prehistóricos, principalmente dende l'apaición de l'agricultura, (l'estudiu de plagues y la cría d'abeyes, etc.). L'estudiu científicu empezó nel sieglu XVI.[3]

L'entomólogu William Kirby ye consideráu'l padre de la entomoloxía. En collaboración con William Spence publicó una enciclopedia d'entomoloxía "Introduction to Entomology", considerada como'l testu fundamental. Tamién contribuyó a la fundación de la Royal Entomological Society en Londres en 1833, una de les primeres sociedaes del so tipu nel mundu. Enantes a ésta, la Sociedá Aureliana foi fundada na década de 1740.[4]

La entomoloxía desenvolvióse rápido nos sieglos XIX y XX y foi estudiada por un gran númberu de distinguíos científicos. Ente ellos tán Charles Darwin, Jean Henri Fabre, Vladimir Nabokov, Karl von Frisch (ganador del Premiu Nobel en Fisioloxía en 1973), y el ganador del Premiu Pulitzer, E. O. Wilson.[5]

Entomoloxía aplicada o económica

La entomoloxía aplicada ye l'estudiu de los inseutos d'interés pal ser humanu, yá seya polos productos qu'apurren, como pol impautu que causen nos bienes del home. Son d'especial interés los inseutos:

  • Productores de miel, cera, propóleos, polen y otros recursos (apicultura).
  • Tresmisores d'enfermedaes nos animales y l'home.
  • Plagues en cultivos, materiales almacenaos y estructures.
  • Controladores d'otres plagues.

Entomoloxía forense

La entomoloxía forense basase na socesión ecolóxica de los artrópodos que s'instalen nun cadabre pa determinar la fecha de la muerte. Ye especialmente útil en cadabres con dellos díes, selmanes o meses d'antigüedá.[6][7]

Bibliografía

  • Chauvin, Remy, El Mundo de los inseutos, (1968) Ediciones Guadarrama ISBN 978-84-250-3016-1

Ver tamién

  • Etnoentomología

Referencies

  1. ↑
    Entomoloxía
    rama de la zoología (es) Traducir y disciplina académica
    Datos
    Autor Liddell, Henry George and Robert Scott
    Cambiar los datos en Wikidata
  2. ↑ Chapman, A. D., 2009.
  3. ↑ Antonio Saltini, Storia delle scienze agrarie, 4 vols, Bologna 1984-89, ISBN 88-206-2412-5, ISBN 88-206-2413-3, ISBN 88-206-2414-1, ISBN 88-206-2415-X
  4. ↑
    Entomoloxía
    rama de la zoología (es) Traducir y disciplina académica
    Datos
    Cambiar los datos en Wikidata
  5. ↑ «Karl von Frisch - Nobel Lecture: Decoding the Language of the Bee».
  6. ↑ Magaña, C. Ciencia Policial.
  7. ↑ González Medina, Alejandro; González Herrera, Lucas; Martínez Téllez, Inmaculada; Archilla Peña, Francisco; Jiménez Ríos, Gilberto. «Análisis patológico y entomológico de unos restos humanos hallados en una zanja en Granada (España)». Revista Española de Medicina Legal. Consultáu'l 13 de febreru de 2016.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.