.jpg.webp)
.svg.png.webp){kind=small}
.svg.png.webp){kind=small}
María Elvira Rodríguez Herrer (15 de mayu de 1949, Madrid) ye una economista y política española. Dende febreru de 2017 ye la presidente de Tragsa, una compañía pública participada al 51% por SEPI.[3] Foi presidenta de la Comisión Nacional del Mercáu de Valores de 2012 a 2016.[4] Miembru del Partíu Popular, foi Congresu de los Diputaos diputada por Murcia y ministra de Mediu Ambiente, amás de presidenta de l'Asamblea de Madrid na IX Llexislatura.
Biografía
Elvira Rodríguez naz en Madrid un 15 de mayu. Ye llicenciada en Ciencies Económiques y polítiques pola Universidá Complutense de Madrid con nota de sobresaliente, interventora[5] y foi una de les primeres muyeres auditora del Estáu. En 1996, tres la llegada del PP al Gobiernu, el Conseyu de Ministros nóma-y direutora xeneral de Presupuestos, nel Ministeriu d'Economía y Facienda a les órdenes de Rodrigo Rato.[6] En 1997 ye designada pol Conseyu de Ministros representante de l'Alministración Xeneral del Estáu na Comisión Mista del Cupu Vascu, cargu qu'anueva en 1999.
Tres la nueva victoria del Partíu Popular y l'accesu de Cristóbal Montoro al Ministeriu de Facienda, nel añu 2000, ye nomada secretaria d'Estáu de Presupuestos y Gastos.[7] Nun ye hasta l'añu 2002 cuando s'afilia al Partíu Popular, en siendo convidada pol presidente José María Aznar. Nel congresu del partíu d'esi añu Elvira Rodríguez ellabora la ponencia económica que defende sol títulu 'Escontra la sociedá del plenu emplegu y de les oportunidaes'. En marzu de 2003, Rodríguez ye nomada ministra de Mediu Ambiente, cargu qu'ocupa hasta abril de 2004.
Tres esto, ye escoyida diputada per Murcia, vocal de la Comisión d'Economía y Facienda del Congresu de los Diputaos, y de la Comisión de Presupuestos y voceru de la Comisión Mista pa les Rellaciones col Tribunal de Cuentes. Forma parte del Comité Executivu y de la Xunta Directiva Nacional del Partíu Popular y dende l'añu 2004 forma parte del equipu Mariano Rajoy como secretaria de Política Económica y Emplegu del Partíu Popular. Presidió'l PP de Majadahonda hasta xunetu de 2006.[8]
Foi conseyera de Tresportes de la Comunidá de Madrid, nel gobiernu d'Esperanza Aguirre ente 2006 y 2007, rematando con ésitu l'ampliación de Metro de Madrid, la mayor ampliación d'una rede de metro del mundu[ensin referencies] cola inauguración de 90 nuevos quilómetros y más de 80 estaciones. Dende xunu de 2007 y hasta'l 7 de xunu de 2011 foi presidenta de l'Asamblea de Madrid.[9]
Diputada na X Llexislatura dende avientu de 2011 hasta setiembre de 2012. Dende'l 28 de setiembre de 2012 foi la presidenta de la Comisión Nacional del Mercáu de Valores (CNMV) en sustitución de Julio Segura Sánchez.[10] El Conseyu de la Comisión Nacional del Mercáu de Valores (CNMV) asumió les responsabilidaes del organismu ante'l fin del mandatu de la presidenta y la vicepresidenta'l 6 d'ochobre.[11]
Dende marzu de 2017 ye Presidenta de la sociedá estatal Tragsa.[3]
Elvira ye dama de la Castiza Orde de la Vieira.[12]
Cargos desempeñaos
- Direutora xeneral de Presupuestos (1996-2000).
- Secretaria d'Estáu de Presupuestos y Gastos (2000-2003).
- Ministra de Mediu Ambiente (2003-2004).
- Diputada per Murcia nel Congresu de los Diputaos (2004-2006).
- Conseyera de Tresportes de la Comunidá de Madrid (2006-2007).
- Diputada na Asamblea de Madrid (2007-2011).
- Senadora designada pola Asamblea de Madrid (2011).
- Diputada pola provincia de Xaén nel Congresu de los Diputaos (2011-2012).
- Presidenta de la CNMV (2012-2016).
Referencies
- ↑ Afirmao en: The International Who's Who of Women 2006. Data d'espublización: ochobre 2005. Editorial: Routledge.
- ↑ Identificador del Boletín Oficial del Estado: BOE-A-2004-7139.
- 1 2 Elvira Rodríguez, ex-presidenta de la CNMV, va ser presidenta de Tragsa. El País. 27 de xineru de 2017. http://economia.elpais.com/economia/2017/01/27/actualidad/1485508894_902979.html. Consultáu'l 12 de febreru de 2017.
- ↑ «Elvira Rodríguez nun va siguir como presidenta de la CNMV». La Vanguardia (Barcelona). 3 d'ochobre de 2016. https://www.lavanguardia.com/economia/20161003/41750582076/elvira-rodriguez-cnmv-presidenta.html. Consultáu'l 5 d'ochobre de 2016.
- ↑ Boletín Oficial del Estáu (ed.): «Orde pola que se nomen Interventores axuntos na Intervención Xeneral de la Seguridá Social a don Pablo Quintana Fábrega, doña Elvira Rodríguez Herrer y don Francisco Zambrana Chicu» (10 d'abril de 1978).
- ↑ Boletín Oficial del Estáu (ed.): «Real Decretu 1208/1996, de 24 de mayu, pol que se noma a doña María Elvira Rodríguez Herrer Direutora Xeneral de Presupuestos» (25 de mayu de 1996).
- ↑ Boletín Oficial del Estáu (ed.): «Real Decretu 613/2000, de 6 de mayu, pol que se noma Secretaria d'Estáu de Presupuestos y Gastos a doña María Elvira Rodríguez Herrer» (25 de mayu de 1996).
- ↑ Diariu ABC (ed.): «so-politica-sobre-majadahonda_201067571294.html Elvira Rodíguez:"El PSOE va acabar pagando'l so política sobre Majadahonda"» (8 de marzu de 2005).
- ↑ El País (ed.): «Elvira Rodríguez, presidenta de l'Asamblea de Madrid» (11 de xunu de 2007).
- ↑ «El BOE publica'l nomamientu d'Elvira Rodríguez como presidenta de la CNMV y el cese de Julio Segura= europapress.» (28 de setiembre de 2012).
- ↑ «conseyu-de-la-cmnv-dirigira-l'organismu-tres-salida-de-elvira-rodriguez.html El Conseyu de la CMNV va dirixir l'organismu tres salida d'Elvira Rodríguez». La Vanguardia. 4 d'ochobre de 2016. https://www.lavanguardia.com/vida/20161004/41777705703/el conseyu-de-la-cmnv-dirigira-l'organismu-tres-salida-de-elvira-rodriguez.html. Consultáu'l 5 d'ochobre de 2016.
- ↑ Ordenviera.com
Enllaces esternos
Wikimedia Commons acueye conteníu multimedia sobre Elvira Rodríguez 
.
- Elvira Rodríguez na web de l'Asamblea de Madrid
- Congresu de los diputaos
| Control d'autoridaes |
|
|---|
Datos: Q3051830- Multimedia: Elvira Rodríguez