| El sol de Breda | ||||
|---|---|---|---|---|
| obra lliteraria | ||||
| Datos | ||||
| Autor | Arturo Pérez-Reverte | |||
| Fecha | 1998 | |||
| Llingua de la obra | castellanu | |||
| País orixinal |
 España | |||
| Llugar de la narración | Madrid | |||
| ||||
 | ||||
El sol de Breda ye una novela escrita por l'escritor español Arturo Pérez-Reverte. Ye la tercera entrega de la coleición Las aventuras del capitán Alatriste y foi publicada en 1998.
Personaxes
- Diego Alatriste y Tenorio, "Capitán Alatriste"
- Íñigo Balboa y Aguirre
- Francisco de Quevedo
- Angélica de Alquézar
- Sebastián Copons
- Ambrosio Spinola
Trama
Nesti tercer capítulu'l capitán Alatriste atopase nel Flandes baxu dominiu español del sieglu XVII; les batalles y l'asediu a la ciudá de Breda en 1625 polos tercios españoles. El mozu Íñigo de Balboa descúbrenos de nuevo les aventures que va vivir al pie d'Alatriste, pero nesta nueva ventura desempeña un papel más relevante: ser mochileru del terciu vieyu de Cartagena, ayudando en tou al terciu y viviendo con ellos los duros tiempos de guerra. Íñigo va ser testigu del sometimientu de la ciudá poles tropes españoles.
Años más tarde va encamentar al pintor Diego Velázquez a qu'inmortalice, nel so famosu cuadru, les cares de los participantes na batalla: el xeneral Ambrosio Spínola (xeneral del Terciu Vieyu de Cartagena; embravecíu combatiente con visos politicos, que va anubrir la revuelta de los sos homes por falta de pagu, pagando de les sos propies arques), el maestre de campu Pedro de la Daga (despreciativu coles sos tropes hasta la crueldá) o'l reserváu capitán Carmelo Bragáu y el valiente soldáu Sebastián Copons, veteranos de les pasaes guerres en Nápoles y collacies del capitán Alatriste.
L'aventura amuesa los rigores de la guerra y cómo, en combate, nun esiste patria nin bandera, sinón, a cencielles, un deséu ineludible de sobrevivir.
