La Comunidá Europea de la Enerxía Atómica o EURATOM creóse en Roma cola firma del Tratáu de la Comunidá Europea de la Enerxía Atómica, el 25 de marzu de 1957, se firma xunto col tratáu que daba orixe a la Comunidá Económica Europea (CEE).

Establezse como oxetivu'l desarrollu d'una industria propia nuclear europea mediante la creación d'un mercáu común d'equipos y materiales nucleares, asina como l'establecimientu d'unes normes básiques en materia de seguridá y proteición de la población.

El tratáu, que foi firmáu polos seis países fundadores de la CECA y la CEE (Bélxica, Francia, Alemaña, Italia, Luxemburgu y los Países Baxos), entró en vigor l'1 de xineru de 1958.

Nél establecíense les sos instituciones: Asamblea parllamentaria, Tribunal de Xusticia, Conseyu de Ministros y Comisión del Euratom. Les dos primeres yeren comunes coles dos otres Comunidaes, mientres les dos últimes foron propies y diferentes hasta la entrada en vigor del Tratáu de fusión de los executivos en 1967.

Lista de Presidentes de la Comisión del Euratom