Doña Palla | |
|---|---|
| Vida | |
| Nacimientu | Reinu de Lleón, sieglu de XI |
| Nacionalidá | Reinu de Lleón |
| Muerte | Castru de Doña Palla, depués de 1058 |
| Familia | |
| Padre | Ordoño Ramírez el Ciego |
| Madre | Cristina Bermúdez |
| Fíos/es | 3 |
| Hermanos/es | Ordoño Ordóñez |
| Seudónimu/os | Doña Palla de León |
 | |
Pelaya o Palla Ordóñez llamada Doña Palla (sieglu de XI, Reinu de Lleón – depués de 1058, Castru de Doña Palla) foi una fía del infante Ordoño Ramírez el Ciegu y l'infanta Cristina Bermúdez.
Casóse col magnate asturianu Bermudo Armentáriz. Apaecen xuntos na documentación de la Catedral d'Uviéu el 15 de xunetu de 1058 faciendo una donación de les sos posesiones sobre los ríos Narcea y Cubia, según el monesteriu de San Bartolomé de Lodón xunto al ríu Narcea. En dichu documentu apaez el so fíu Martín Bermúdez que robora el documentu colos sos padres. Martín casó cola condesa Enderquina García, fía de García Ovéquiz y Adosinda Gutiérrez
El matrimoniu moró nel pueblu de Peñaullán del Conceyu de Pravia, onde entá se topa un castru que lleva'l so nome, el Capo de Doña Palla.
Bibliografía
- Torre Sevilla-Quiñones de Lleón., Margarita Cecilia (1985). Linaje nobiliarios de Lleón y Castiella: Sieglos IX-XIII. Salamanca: Xunta de Castiella y Lleón. ISBN 84-7846-781-5.
- Calleja Puerta, Miguel (2001). El conde Sueru Vermúdez, la so parentela y la so redolada social: L'aristocracia asturlleonesa nos sieglos XI y XII. KRK Ediciones. ISBN 84-95401-68-1.
Referencies
Enllaces esternos
Wikimedia Commons tien conteníu multimedia tocante a Doña Palla.
