Ilesia Ortodoxa
confesión cristiana (es) y ilesia histórica
Historia
Fundación	1054
Orixe del nome	Los siete primeros concilios ecuménicos (es)
Participación empresarial
Formáu por	Patriarcado ecuménico de Constantinopla (es) Ilesia ortodoxa d'Alexandría Iglesia greco-ortodoxa de Antioquía (es) Iglesia ortodoxa de Jerusalén (es) Ilesia Ortodoxa Rusa Ilesia Ortodoxa Xeorxana Iglesia ortodoxa serbia (es) Iglesia ortodoxa rumana (es) ilesia ortodoxa búlgara Iglesia ortodoxa de Chipre (es) Ilesia ortodoxa de Grecia Iglesia ortodoxa albanesa (es) Ilesia ortodoxa polaca Iglesia ortodoxa checa y eslovaca (es) Ilesia ortodoxa n'América Ilesia ortodoxa ucraína Iglesia ortodoxa macedonia (es) Ilesia ortodoxa xaponesa Iglesia ortodoxa autocéfala (es)
Bolsa de valores	cristianismu ortodoxu

La Ilesia Católica Apostólica Ortodoxa ye una comunidá cristiana que la so antigüedá, según la tradición, remóntase a Xesucristu y a los dolce apóstoles, a traviés d'una non torgada socesión apostólica. Ye la tercera de les tres grandes ilesies o comunidaes cristianes, xunto cola Ilesia Católica Romana y el conxuntu d'ilesies protestantes, y cunta con aproximadamente 215 millones de fieles en tol mundu.^[1]

La Ilesia Ortodoxa ye la heriede de toles comunidaes cristianes de la metá oriental del Mediterraneu. La so doctrina teolóxica afitóse nun riestra de conceyos, de los que los más importantes son los Siete Conceyos Ecuménicos, que tuvieren llugar ente los sieglos IV y VIII. Tres dellos desalcuentros y resmes, la Ilesia Ortodoxa separtóse de lo qu'anguaño ye la Ilesia Católica na denomada Cisma d'Oriente y Occidente, el 16 de xunetu de 1054. El cristianismu ortodoxu espardióse per Europa Oriental gracies al prestixu del Imperiu Bizantín y a la xera de numberosos grupos misioneros.

La Ilesia Ortodoxa ye una de les tres comunidaes cristianes más grandes xunto a la Ilesia Católica y les Ilesies Evanxéliques. Cunta con 250 millones de fregueses en tol mundu.

Ye'l resultáu de la primer gran cisma del cristianismu nel añu 1054, que separtó los fregueses en católicos y ortodoxos como consecuencia de les griesques polítiques qu'había d'aquella ente l'Imperiu Romanu d'Occidente (que ficó católicu) y l'Imperiu Romanu d'Oriente (ortodoxu).

Ente los países ortodoxos más importantes tán Rusia, Ucraína, Bielorrusia, Rumanía, Serbia, Montenegru, Bulgaria, Macedonia, Grecia y Xipre.

Doctrina

La doctrina ortodoxa ye práuticamente la mesma que la católica. Les dos ilesies estrémense na triba de ritu.

Ritu

Les llingües de la Ortodoxa son el griegu pa les ilesies grieges y d'Oriente Mediu, l'antiguu eslavu eclesiásticu o antiguu búlgaru pa les ilesies eslaves y les llingües llocales pa les demás.

Ilesies Ortodoxes

Iconu rusu

Anguaño, el cristianismu ortodoxu ye la relixón dominante en Grecia, Xipre, Rusia, Ucraína, Bielorrusia, Serbia, Montenegru, Macedonia, Bosnia y Herzegovina, Rumanía, Moldavia, Bulgaria, Xeorxa y Armenia. Darréu de la emigración hai delles comunidaes importantes nos Estaos Xuníos, Canadá y Australia.

La Ortodoxa organízase n'ilesies autocéfales, a la tiesta de les qu'hai un obispu o patriarca que nun depende de nengún mandatariu eclesiásticu superior como ye'l casu de la Ilesia Católica.

La Ilesia Ortodoxa reconoz l'autoridá, namái simbólica, d'alcuerdu al patriarcáu que correspuendan, Ex: Patriarcáu d'Antioquía, de Constantinopla, Patriarcáu Griegu, etc

Los patriarcaos ortodoxos o ilesies ortodoxes son:

• Ilesia Ortodoxa de Constantinopla ("Primus inter pares")
• Ilesia Ortodoxa Griega
• Ilesia Ortodoxa Xipriota
• Ilesia Ortodoxa Búlgara
• Ilesia Ortodoxa Rusa
• Ilesia Ortodoxa Serbia
• Ilesia Ortodoxa Rumana
• Ilesia Ortodoxa Xeorxana
• Ilesia Ortodoxa Polaca
• Ilesia Ortodoxa Checa y Eslovaca
• Ilesia Ortodoxa d'Alexandría
• Ilesia Ortodoxa d'Antioquía
• Ilesia Ortodoxa de Xerusalén

Otres ilesies:

• Ilesia ortodoxa copta
• Ilesia ortodoxa etíope
• Ilesia Ortodoxa Tewahedo d'Eritrea

Referencies