 Crémenes | |
|---|---|
 | |
| Alministración | |
| País |  España |
| Autonomía |  Castiella y Lleón |
| Provincia |  provincia de Lleón |
| Tipu d'entidá | conceyu d'España |
Alcalde de Crémenes (es)  | Miguel Ángel Díez Alonso |
| Nome oficial | Crémenes (es)[1] |
| Códigu postal |
24980 |
| Xeografía | |
| Coordenaes | 42°54′10″N 5°08′35″W / 42.902777777778°N 5.1430555555556°O |
  Crémenes Crémenes (España) | |
| Superficie | 153.12 km² |
| Altitú | 1003 m[2] |
| Llenda con |
Sabero (es) , Boñar, Reyero (es) , Puebla de Lillo, Acebedo, Riaño (es) , Prioro (es) , Valderrueda (es) y Cistierna (es)
|
| Demografía | |
| Población |
530 hab. (2023) - 292 homes (2019) - 252 muyeres (2019) |
| Porcentaxe |
0% de provincia de Lleón 0.02% de Castiella y Lleón 0% de España |
| Densidá | 3,46 hab/km² |
| Más información | |
| Prefixu telefónicu |
987 |
| Estaya horaria | UTC+01:00 |
| aytocremenes.es | |
 | |
Crémenes ye un conceyu y llocalidá d'España, na provincia de Llión, contorna del Monte Oriental, comunidá autónoma de Castiella y Llión, travesáu pel ríu Esla.
Los terrenes de Crémenes parten colos de Valbuena del Roblo al norte, Les Sales al nordeste, Argovejo al este, Villayandre al sur, Picu Rellance al oeste y Corniero al noroeste.
Historia y cultura
La mayor parte del términu municipal pertenez al Parque Rexonal Picos d'Europa nel que s'atoparon el mayor númberu de llábanes vadinienses (once en total). Dellos autores cunten que equí pudo tar asitiada Vadinia, importante ciudá celta, citada frecuentemente por historiadores y xeógrafos mientres les guerres cántabru-romanes. La Corona, pandiella al llau del pueblu, indícanos un posible asentamientu d'orixe romanu.
La ilesia parroquial antigua, dende va años fora d'usu relixosu, foi construyida nel sieglu XIV y nella destaquen les imáxenes de la Virxe y San Miguel. Esta postrera procedía, xunto con un cordobán, del desapaecíu pueblu de San Miguel de les Fontes, asitiáu a unos 2 km en direición a Les Sales. Dambes talles fueron treslladaes a la nueva ilesia, acabada de construyir en 1949 por cuenta del fíu del pueblo Don Juan Guereño. Esti templu d'estilu prerrománicu ta construyíu con piedres de sillería y mampostería. Nel so interior la cúpula tien belles pintures al frescu, obra de Santiago Eguiagaray. La cubierta y parte de los murios de la ilesia antigua, usada como establu y corrolada de pites, derrumbar en mayu de 2015.
Al norte del pueblu, percima de Fonte d'Oru y La Neblera, dende'l repetidor de Corniero contémplense los montes de la redolada y l'Altu Valle del Esla." Testu tomáu de "La Mancomunidá de Conceyos d'El Monte de Riañu (Llión-España)".
Otros picos, como'l de Aguasalio, Les Pintes y Remanganes, según caminos y senderos en direición a pueblos estremeros, Argovejo, Villayandre, Corniero, Les Sales, Valdoré etc., son d'altu valor paisaxísticu, ricos pola so flora y fauna y bien aptos para'l senderismo, caza y pesca. En direición a Villayandre puede reparase restos d'una calzada romana que sigue'l cursu del ríu Esla pol valle y vegues del antes llamáu Alión.
Personaxes pernomaos
José González Fernández (1873-1961), presbíteru, canónigu, arcipreste de la Catedral de Llión, escritor, historiador y novelista.
Juan Guereño (1888-1961), empresariu afincáu n'Arxentina. Benefactor de la Ilesia parroquial de Crémenes.
David Álvarez (1927) empresariu y fundador del grupu Eulen. En 2014 foi nomáu marqués de Crémenes (de forma vitalicia, non hereditaria).
Cómo llegar
Para llegar a Crémenes dende Llión, puede faelo por Boñar y Sabero, anque de normal llégase por Mansilla de les Mules.
Dende Asturies al traviés del puertu de San Isidro o Tarna (la comunicación con Riañu faise al traviés del puertu de Les Señales).
Dende Cantabria pol puertu de San Glorio.
Dende Palencia hasta Guardo por Cistierna o hasta Guardo per Boca de Huérgano-Riañu.
Dende Madrid pela autovía hasta Villardefrades; d'equí viense por Medina de Ríu Secu hasta Mansilla.
N'autobús viense bien dende la estación Méndez Álvaro (Metro) que llega direutu a Crémenes cola empresa Alsa.
Tamién en tren puede llegase hasta Cistierna, y dende ellí hasta Crémenes hai otros 15 km.
El tiempu calculáu en llegar a Llión ye de 40 minutos, y a Uviéu 95 minutos; a Xixón un pocu más. Trés hores y media en coche dende Madrid.
Referencies
- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ URL de la referencia: https://www.aemet.es/es/eltiempo/prediccion/municipios/cremenes-id24060.
Enllaces esternos
Wikimedia Commons acueye conteníu multimedia sobre Crémenes 
.
