| Corsarios de Levante | ||||
|---|---|---|---|---|
| obra lliteraria | ||||
| Datos | ||||
| Autor | Arturo Pérez-Reverte | |||
| Fecha | 4 avientu 2006 | |||
| Llingua de la obra | castellanu | |||
| País orixinal |
 España | |||
| Ilustrador orixinal | Joan Mundet | |||
| Llugar de la narración | Madrid | |||
| ||||
 | ||||
Corsarios de Levante ye una novela del escritor español Arturo Pérez-Reverte. Ye la sexta entrega de la coleición Las aventuras del capitán Alatriste, publicada el 4 d'avientu de 2006. La novela t'ambientada nes constantes batalles navales ente los soldaos españoles y los corsarios bereberes y turcos, a lo llargo de tol Mar Mediterraneu.
Personaxes
- Diego Alatriste y Tenorio, "Capitán Alatriste"
- Íñigo Balboa y Aguirre
- Sebastián Copons
- el mogataz Gurriato
- Francisco de Quevedo
- Gualterio Malatesta
- Capitán Alonso de Contreras
Argumentu
El llibru entama cuntando Las aventuras del capitán Alatriste ya Íñigo Balboa nel so asaltu a los corsarios turcos,holandeses ya ingleses na galera la Mulata, camín d'Orán. Nesta ciudá,na fastera norte d'África, y ocupada por l'Imperiu Hispánicu de los Austries, los protagonistes alcuentrense de nuevu col so collaciu Sebastián Copons, qu'ellí s'alcontraba n'espera de llicencia pa poder tornar a España. Equí, Alatriste ya Íñigo comprobaron les penuries d'un llugar ensin vida, onde la xente lluchaba por sobrevivir. Nesti episodiu, alcontramos una descripción de les cabalgaes: saqueos que realizaben los españoles en busca de botines.
N'Orán, unense, a Alatriste y Balboa, Sebastián Copons y el mogataz Gurriato, personaxe que, según s'adivina na novela, acompañará darréu a los protagonistes.
L'obra mostra les aventures de la galera la Mulata pol Mediterraneu, asaltando embarcaciones turques y pasando por llugares comu Malta, Nápoles (onde Íñigo alcontrase col so collaciu de Flandes, Jaime Correas; teniendo d'algún altercau con un tahúr florentín) y la costa griega de Xío.
L'obra fina col combate ente tres galeres cristianes: la Cruz de Rodas, la Caridad Negra y la Mulata y ocho galeres turques, frenti la costa del egea d'Anatolia, cerca de l'actual Esmirna.
Ente les trames qu' Pérez-Reverte dexa en suspensu pa siguientes noveles, destaca una carta que, dende América, envía Angélica de Alquézar a Íñigo, proponiéndo-y grandes coses si entovía l'ama.
Otru aspeutu rellevante nel conxuntu de noveles, ye que, en contra de lo que se pudiera deducir de la novela El caballeru'l xubón amariellu, l'italianu Gualterio Malatesta, nun ye executau, comu cree Diego Alatriste; si non que por una carta que recibe de don Francisco de Quevedo, llega a saber que Gualterio mercó so propia vida.
