Sistema de coordenaes xeográfiques
sistema de coordenaes y entidá xeográfica
Cambiar los datos en Wikidata
Mapa de la Tierra amosando les llinies de llatitú horizontales y llonxitú (verticales); Versión ampliada (pdf)
Llatitú phi (φ) y Llonxitú lambda (λ)

El Sistema de Coordenaes Xeográfiques espresa toles posiciones sobro la Tierra usando dos de les tres coordenaes d'ún sistema de Coordenaes esfériques que ta alliniáu con exe de rotación de la Tierra. Ésti define dos ángulos mididos dende'l centru de la Tierra:

  • La llatitú mide l'ángulu ente cualesquier puntu y l'ecuador. Les llinies de llatitú denómense paralelos y son círculos paralelos al ecuador na superficie de la Tierra.
    • La llatitú suelse espresar en graos sexagesimales.
    • Tolos puntos allugaos sobre'l mesmu paralelu tienen la mesma llatitú.
    • Aquellos que s'atopen al norte del Ecuador reciben la denominación Norte (N).
    • Aquellos que s'atopen al sur del Ecuador reciben la denominación Sur (S).
    • Midir de 0º a 90º.
    • Al Ecuador correspuéndelu la llatitú 0º.
    • Los polos Norte y Sur tienen llatitú 90º N y 90º S respeutivamente.
  • La llonxitú mide l'ángulu a lo llargo del ecuador dende cualquier puntu de la Tierra. Acéutase que Greenwich en Londres ye la llonxitú 0º na mayoría de les sociedaes modernes. Les llinies de llonxitú son circulos máximos que pasen pelos Polos y denómense meridianos.

Combinando estos dos ángulos, pueden espresase la posición de cualesquier puntu de la superficie de la Tierra.

Por exemplu: L'Entregu, Asturies, tien una llatitú 43°17′15″N y llonxitú 5°38′20″W. D'esti mou un vector dibuxáu dende'l centru la Tierra al puntu 43°17′15″ norte del ecuador y 5°38′20″ al oeste del Meridianu de Greenwich, pasará por L'Entregu.

L'ecuador ye nidiamente una parte importante pa esti sistema de coordenaes; representa el cero de los ángulos de llatitú y el puntu mediu ente los Polos. Ye'l planu fundamental del sistema de coordenaes xeográfiques.

La tercera dimensión

Pa especificar un allugamientu dafechamente, debaxo o sobro la superficie de la Tierra, ye necesario indicar tamién la elevación/altor. Esti datu puede espresase relativu al nivel del mar o la distancia al centru la Tierra. Úsase davezu respeutu al nivel mediu del mar per aciu de l'altitú.

Sistema de Coordenaes Proyeutaes

Al contrariu que les coordenaes xeográfiques que se caractericen por non tar proyeutaes, defínense distintes proyeiciones cartográfiques.

El sistema más utilizáu ye'l Sistema de Coordenaes Universal.

Goyar tamién

Referencies

    Enllaces esternos

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.