Giros

Grúa: Una aplicación típica ye'l contrapesu de grúes torre y grúes móviles en forma de pesaos ​​bloques de formigón. Cuando se carga nel brazu tien un gran momentu, que se compensa colos contrapesos.

Carretilla elevadora: Un pesu, de normal asitiáu na parte trasera del vehículu, garantiza la estabilidá.

Fundíbulu reconstruyíu con contrapesu móvil nel Château des Baux, Francia.

Fundíbulu: Funcionen según el principiu de palanca, onde un contrapesu nel brazu curtiu garantiza l'aceleración necesaria nel brazu llargu.

Equilibráu de ruedes: Los pesos asitiaos na rueda aseguren que la exa de xiru coincide cola exa principal d'inercia. Namái entós desapaecen les posibles fuercies perturbadores con respeuto a la exa (vibraciones). Tamién s'utiliza esti métodu nes ruedes de les llocomotores de vapor.

Metrónomu: Un metrónomu estendible tien un pesu movible que ta afitáu nel pendilexu. El pendilexu caltiénse n'oscilación gracies a un mecanismu de muelles. Según la posición del pesu puede determinase la velocidá.

Movimientu llinial

Ascensor: Pa llevantar pesos utilicense contrapesos nun ascensor de cables, que tán afitaos na cabina per mediu de rodiellos ya inviértense nel techu (o a la inversa). D'esta forma, el motor que mueve la cabina namái hai d'alzar la diferencia ente la carga y el contrapesu. Amás, el contrapesu aumenta l'aceleración al xubir, al empar que la mengua al baxar.^[1] Tamién les pontes plegables y d'elevación vertical trabayen según esti principiu.

Ascensor espacial: Pa un teóricu ascensor espacial tien d'haber un contrapesu pa colgar el cable, que permita tresportar cargues al espaciu. El contrapesu encargaríase de compensar la gravedá del cable pa que llegue a la órbita xeoestacionaria que permita a la fuercia centrífuga equilibrar la fuercia d'atraición de la Tierra.