Constante de gravitación universal
constante física (es) y constante d'UCUM

La constante de gravitación universal ye una constante de la ñatura que determina la intensidá de la gravedá exercía polos cuerpos. Representada por G y apaez tanto na Llei de gravitación universal de Newton como na Teoría xeneral de la relatividá d'Einstein.

El so valir espresa l'atraición gravitacional que se produz ente dos oxetos d'un kilogramu caún separtaos por un metru de distancia:

${\displaystyle G=6.673\times 10^{-11}Nm^{2}kg^{-2}\,}$

Namái se sabe con certeza que son correutes les dos primeres cifres: tratase d'una de les constantes físiques que foron determinaes con menor precisión. Esto ocasiona torgues a la hora de midir con precisión la masa de los estremaos cuerpos del Sistema Solar, como'l Sol o la Tierra.

La primera midición del so valor foi fecha por Henry Cavendish, nel esperimentu de la balanza de torción descritu nes Philosophical Transactions de 1798 espublizaes pola Royal Society.

G, la constante de gravitación universal, nun ha ser tracamundiada con g, lletra que representa la intensidá de la gravedá tarrestre.

Referencies

Enllaces esternos