Una consonante nasal produzse cuando'l velo —la parte carnosa del cielu la boca cerca de la parte posterior— báxase, dexando que l'aire fluya llibremente al traviés de la ñariz. El cuévanu bucal inda actúa como compartimientu de la resonancia del soníu, pero l'aire nun sale pela boca ente que ye bloquiáu pola llingua. Otros tipos de consonantes pueden ser nasalizadas, pero de normal referímonos a alófonos de los archifonemas /N/ y /M/

Acústicamente, les consonantes nasales son sonorantes, esto ye, nun acuten la salida d'aire, y dende el puntu de vista llingüísticu cuasi siempres son sonores. (Compárense les oclusives orales, qu'apexen l'aire dafechu, y les fricatives, qu'apexen l'aire con una canal estrecha. Tanto oclusives como fricatives son más frecuentemente sordes que sonores, y conócense como obstruyentes).

Sicasí, les consonantes nasales tamién se consideren oclusives pola so articulación, que torga dafechu'l pasu del aire pol cuévanu bucal. Tal dualidá, un fluxu d'aire sonorante pela ñariz xunto cola oclusión de la boca, implica que les nasales pórtense como sonorantes de la que como obstruyentes (polo xeneral clases opuestes). Pa la descripción acústica polo xeneral considérense sonorantes, pero en munches llingües pueden desenvolvese a partir d'oclusives o aportar n'oclusives.

Tienen bandes d'enerxía alredor de los 200 y los 2,000 Hz

Llista de consonantes nasales:

• [m] ye una nasal billabial sonora
• [ɱ] ye una nasal labiodental sonora (SAMPA: [F])
• [n̪] ye una nasal dental (SAMPA: [n_d]}
• [n] ye una nasal alveolar o dental: vease nasal alveolar
• [ɳ] ye una nasal retroflexa sonora, común nes llingües índiques (SAMPA: [n`])
• [ɲ] ye una nasal palatal (SAMPA: [J]); común en munchos idiomes europeos, como español ñ; francés ya italianu gn; catalán y húngaru ny; y occitanu y portugués nh.
• [ŋ] ye una nasal velar sonora (SAMPA: [N]).
• [ɴ] ye una nasal uvular (SAMPA: [N\])

Exemplos d'idiomes que contienen consonantes nasales:

L'inglés, l'alemán y el cantonés que contienen [m], [n] y [ŋ]

Referencies

Enllaces esternos