| Conseyu de Gobiernu de Melilla | |
|---|---|
| Direición | España |
| Historia | |
| Fundación | 1497 |
| Web oficial | |
 | |
El Conseyu de Gobiernu de Melilla ye l'órganu colexáu de la Ciudá autónoma de Melilla, España, qu'exerz les funciones executives y alministratives que-y atribúin les lleis. Ta integráu pol Presidente, escoyíu pola Asamblea, y los Conseyeros que son nomaos y separaos líbremente por aquél en númberu non determináu.
El Estatutu d'Autonomía de Melilla, aprobáu por Llei orgánica de 13 de marzu de 2005 al amparu del artículu 144, b) de la Constitución, atribúye-y les funciones de dirixir la política de la ciudá y les funciones executives y alministratives polo xeneral y les señalaes específicamente nel estatutu o delegaes pol Estáu nos términos que'l mesmu determine y que nun sían competencia de l'Asamblea. Tamién tien la potestá reglamentaria nes materies que-y son mesmes y cumple les funciones de Plenu d'un Conceyu.
El Presidente ye escoyíu pola Asamblea y respuende ante ella, cola moción de censura y la cuestión d'enfotu. El Conseyu cesa pol fallecimientu del Presidente, la dimisión del mesmu, la so declaración d'incapacidá, al espolletar una moción de censura por mayoría absoluta o nun llograr l'enfotu, tres el cumplimientu del periodu pal que foi escoyíu o cola celebración d'eleiciones. En tolos casos el Conseyu cesante va quedar en funciones hasta la eleición del nuevu. A diferencia d'otres comunidaes autónomes, el Presidente nun tien la facultá d'eslleir l'Asamblea.
Gobiernu de Melilla 2015-2019
L'actual gobiernu de Melilla ta formáu pol Partíu Popular y el Partíu Populares en Llibertá.
Referencies
- Estatutu d'Autonomía de Melilla, Boletín Oficial del Estáu.
