Templu de Independence.

La Comunidá de Cristu, enantes conocida como la Ilesia Reorganizada de Xesucristu de los Santos de los Últimos Díes o RLDS. Con sede en Independence, Missouri, la fe comparte los sos anicios con La Ilesia de Xesucristu de los Santos de los Últimos Díes (la ilesia Mormona).La hestoria de les dos más grandes denominaciones empieza a dixebrase cola muerte del fundador, Joseph Smith el 27 de xunu de 1844 en Carthage, Illinois. Los historiadores dacuando refiérense a la caña del Mediu Oeste del movimientu como los Santos de la Pradería o Xosefites y a los del Oeste (Utah) como los Santos de los Montes Rocosos o Brighamites...La Comunidá de Cristu tien güei aproximao 250.000 miembros en 50 países. La ilesia tien dos templos, el templu orixinal de Kirtland, n'Ohio (un sitiu históricu, parte del so ministeriu educativu), y el relativamente nuevu Templu de Independence, Misurí, que sirve de sede mundial de la Ilesia. La Ilesia opera la Universidá Graceland, con predivos educativos en Lamoni (estáu de Iowa) y en Independence (estáu de Missouri). La Ilesia amás tien y opera sitios históricos no que foi l'Alloñáu Oeste en Missouri), Lamoni (estáu de Iowa) y en Planu, y Nauvoo (n'Illinois).La Comunidá de Cristu ta dirixida por una Primer Presidencia, que consiste d'un Profeta-Presidente y dos conseyeros. El ministeriu de la ilesia ye supervisáu pol Conciliu de los Dolce Apóstoles y coordináu al traviés del mundu polos Quorums de Setentes y les necesidaes temporales de la ilesia son alministraes pol Obispáu Presidente. Axuntaos, estos quorums conócense como'l Conciliu Conxuntu. Cada dos años, delegaos de tol mundu axúntense pa votar sobro los asuntos de la ilesia na Conferencia Mundial. Mientres les últimes décades la Ilesia progresó na so misión, dedicándose a promover la tolerancia y proclamándose como una ilesia de Paz y Xusticia. Dellos cambeos inclúin la ordenación de muyeres al sacerdociu (al traviés d'una revelación recibida pol Presidente Wallace B. Smith en 1984) y el cambéu de nome publico de la ilesia.

Referencies

Enllaces esternos