Mapa de Suiza amosando les llendes de les Comuñes (2015).

Les Comuñes (Conceyos) (n'alemán: Gemeinden; en francés: Communes; n'italianu: Comuni y en romanche: Vischnancas) son la entidá territorial básica y de menor nivel na división político-territorial de Suiza. Pa xineru de 2014, en Suiza esisten 2352 comuñes. Magar dalgunes cunten con namái dellos cientos d'habitantes, les ciudaes más grandes como Xinebra o Zúrich tamién tienen estatus llegal de comuña.

Les responsabilidaes de cada comuña (como educación, serviciu médicu, asistencia social, tresporte públicu y recaldación d'impuestos) son definíes pol gobiernu cantonal y varíen d'un cantón a otru. De manera xeneral, el gobiernu comuñal ta encabezáu por un Alcalde como xefe del executivu, cola cooperación d'un Conceyu abiertu, que s'encarga de les xeres llexislatives, anque pa estes funciones, les comuñes con mayor cantidá d'habitantes tienen la opción d'escoyer un Conceyu municipal.

En dellos cantones, déxase la participación política comuñal a los estranxeros que tengan ciertu tiempu residenciaos en Suiza. La ciudadanía suiza ta basada na ciudadanía comuñal. Cada suizu ye ciudadanu d'una o delles comuñes (por casu, la del so llugar d'orixe, Heimatort n'alemán o Lieu d'origine en francés).

La economía de cada comuña ta financiada por impuestos direutos (talos como l'impuestu sobre la renta), que les sos tases fluctúen nuna banda fita pol gobiernu del cantón.

Delles comuñes confronten dificultaes pa contratar los servicios que se riquir pa cumplir coles responsabilidaes riquíes pola comunidá. Como parte del esfuerciu p'amenorgar gastos, les comuñes pueden combinase pa crear entidaes especiales, como por casu distritos especiales. La creación de diches figures son fomentaes xeneralmente polos gobiernos cantonales y el so númberu amóntase a midida que la economía vuélvese más complexa.

Les Ciudaes (Städte o Villes) son comuñes que tienen más de 10.000 habitantes, o bien poblaciones más pequeñes que recibieron derechos medievales pa recibir el nome de "ciudá". Nun esiste una denominación específica pa comuñes más pequeñes (como por casu, "pueblos").

Distribución cantonal de les comuñes

El númberu de comuñes que pue tener un cantón ye pervariable y nun depende de la superficie nin del númberu d'habitantes. Pa xineru de 2009, la cantidá de comuñes por cantón ye la siguiente:

Cantón Númberu de comuñes (2009)[1] Númberu de comuñes (2006)[2]
bandera del cantón Zúrich 171 171
bandera del cantón Berna 392 398
bandera del cantón Lucerna 88 97
bandera del cantón Uri 20 20
bandera del cantón Schwyz 30 30
bandera del cantón Obwalden 7 7
bandera del cantón Nidwalden 11 11
bandera del cantón Glaris 25 27
bandera del cantón Zug 11 11
bandera del cantón Friburgu 168 168
bandera del cantón Solothurn 125 125
bandera del cantón Basilea-Ciudá 3 3
bandera del cantón Basel-Landschaft 86 86
bandera del cantón Schaffhausen 27 32
bandera del cantón Appenzell Rodes Esteriores 20 20
bandera del cantón Appenzell Rodes Interiores 6 6
bandera del cantón Sankt Gallen 86 89
bandera del cantón Grisones 200 207
bandera del cantón Argovia 229 229
bandera del cantón Turgovia 80 80
bandera del cantón Tesinu 181 199
escudo del cantón Vaud 375 381
bandera del cantón Valais 143 153
bandera del cantón Neuchâtel 53 62
bandera del cantón Xinebra 45 45
bandera del cantón Jura 64 83
Total 2.636 2.740


Distribución porcentual de Comuñes por cantidá d'habitantes

Población por comuña Cantidá de comuñes (2006)[3] %
más de 20.000 30 1,1
10.000 - 19.999 89 3,2
5.000 - 9.999 180 6,6
1.000 - 4.999 1.025 37,4
500 - 999 555 20,3
menos de 500 861 31,4


Comuñes estremes

Les más poblaes

Comuña Cantón Habitantes (2009)[4] Habitantes (2006)[3]
Zúrich bandera del cantón Zúrich 365.132 363.273
Xinebra bandera del cantón Xinebra 183.287 177.964
Basilea bandera del cantón Basilea-Ciudá 164.937 166.558


Les menos poblaes

Comuña Cantón Habitantes (2009)[4] Habitantes (2006)[3]
Corippo bandera del cantón Tesino 18 22
Martisberg bandera del cantón Valais 20 27
Portein bandera del cantón Grisones 23 26


Les más estenses

Comuña Cantón Superficie (km²) (2009)[5] Superficie (km²) (2006)
Davos1 bandera del cantón Grisones 283,98 254,41
Bagnes bandera del cantón Valais 282,26 282,26
Anniviers2 bandera del cantón Valais 242,95
Zermatt bandera del cantón Valais 242,69 242,69


  • 1Fusión de la comuña de Davos cola de Wiesen.
  • 2Comuña creada de la fusión de les antigües comuñes d'Ayer (Valais), Chandolin, Grimentz, Sain-Jean, Saint-Luc y Vissoie.

Les menos estenses

Comuña Cantón Superficie (km²) (2009)
Rivaz bandera del cantón Vaud 0,31
Kaiserstuhl bandera del cantón Argovia 0,32
Gottlieben bandera del cantón Turgovia 0,33
Meyriez bandera del cantón Friburgu 0,34


Ver tamién

  • Cantones de Suiza
  • Comuña
  • Llocalidaes de Suiza

Referencies

  1. ↑ Llista oficial de les comuñes suizes (2009), p. 18 .
  2. ↑ Llista oficial de les comuñes suizes (2006), p. 18 .
  3. 1 2 3 Llista oficial de les comuñes suizes (2006), p. 17 .
  4. 1 2 .
  5. ↑ .

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.