 Collía | |
|---|---|
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu | Parres |
| Parroquia | Santitomás |
| Partíu xudicial | Cangues d'Onís |
| Tipu d'entidá | llugar |
| Xeografía | |
| Coordenaes | 43°25′N 5°11′W / 43.42°N 5.18°O |
  Collía Collía (Asturies) | |
| Altitú | 155 m |
| Demografía | |
| Población | 87 hab. (2017) |
| Porcentaxe |
0.03% de Santitomás 1.67% de Parres 0.01% de provincia d'Asturies 0.01% de Principáu d'Asturies 0% de España |
| Viviendes | 61 (2017) |
| Más información | |
| Estaya horaria | UTC+01:00 |
 | |
Collía[1] ye un llugar de la parroquia de Santitomás, nel conceyu asturianu de Parres.
Aldeina asitiada a 2 km de la capital del conceyu de Parres, tien una población de 87 hab. (2017)[2], siendo asina el ñúcleu de población más grande de tola parroquia. Collía divídese tradicionalmente nún puñáu de "barrios" que tolos sos vecinos conocen pel nome y empleguen pa orientase: La Quintana Arriba, La Quintana Abaxu, La Xerriquina, El Barrosu, El Barrosín, El Campón, El Valsiñeru, La Ería, Treslería, El Valle, Tranciella, La Piedra, La Cabaña l'Escribanu y El Pandal.
La economía del pueblu basóse tradicional y fundamentalmente na cría de ganáu (vaques y gochos) y na agricultura (maiz, patates, cebolles y berces, mayoritariamente).
Poema de Collía
Poema recitáu por Ana Azucena Ramos Pando (1921-2006), vecina de Collía. N'alcordanza.
-Adiós tú! Non cuerras tantu! -Déxame, vo pa la escuela,
que si tardo un pocu más va reñime la maestra,
que siempre está predicando sobre eso de l'asistencia,
que vayamos más a tiempu, que perdiamos la pereza.
Ya m'está cansando a mi siempre col mesmu tema!
-Fai bien en reñievos, y tien razón qu'arrebienta.
Y non me chocaria nada que garrara una civiella
y asina, mun suavemente, vos rompiera una costiella.
-Bueno! Tu estás tocha? Que somos males ya lo sabe la maestra,
y puede dar gracies a Dios que-y damos tiempu pa ejercitar la paciencia!
-Bueno, bueno: ¿y qué tal per casa? ¿tuviestes buena cosecha?
-De cosecha esti añu mal! ¿Entós tu non t'acuerdas
cuando per Santiago vino aquella nube de piedra
que mio hermanu metiose en fornu y yo debaxu una masera?
Carme y Antón daben voces porque-yos rompía la teya,
y Leandro y les rapaces, qu'estaben enun prau a herba,
baxaren pa La Retoral y metiérense ena bodega.
Y les de La Casona toes escaparen pa la iglesia
a pedir al Padre Dios que cesara la tormenta.
Los maizales de Collía cayeren todos a tierra.
Con aquelles pedriscones non quedó una faba tiesa.
Nin Fabes, nin patates, nin cebolles: nada quedó pela tierra!
Y tovía tú mi preguntes que si tuvimos cosecha.
