Club Deportivo Praviano | |||
|---|---|---|---|
| Situación | |||
| País |  España | ||
| Autonomía |  Principáu d'Asturies | ||
| Provincia | Provincia d'Asturies | ||
| Conceyu |  Pravia | ||
| Estáu | España | ||
| Coordenaes | 43°29′42″N 6°07′00″W / 43.49494°N 6.11654°O | ||
| Datos | |||
| Tipu | club de fútbol | ||
| Fundáu en | 1949 | ||
| Categoría | Tercer División d'España | ||
| Uniforme | |||
| |||
|
Web oficial | |||
 | |||
El Club Deportivo Praviano ye un equipu de fútbol de Pravia (Asturies) fundáu en 1949. Na temporada 2022-23 xuega en Tercer Federación.
Historia
Fundóse en 1949. Ente los sos mayores llogros destaquen la conquista d'un títulu de Tercer División en 1966 y un subcampeonatu na mesma categoría la temporada anterior. Foi campeón del Campeonatu d'Asturies d'Aficionaos en 1950 y la so dómina más escura foi a principios del sieglu XXI cuando xugó dos temporaes en Primera Rexonal d'Asturies.
En 2014, el Praviano clasificóse pa los play-offs d'ascensu a Segunda División B pero foi elimináu na primer ronda pol UD Socuéllamos.
El 22 de xunu de 2019 los sos socios aprobaron asociase al Real Uviéu, convirtiéndose asina nel tercer equipu de los de la capital del principáu per detrás del primer equipu y del Real Uviéu Vetusta produciéndose una vinculación federativa ente dambes entidaes, lo que va dexar que distintos futbolistes puedan participar nos dos equipos.[1][2]
Esta vinculación a nivel federativu duró una temporada, pues a la siguiente siguiente el Praviano dexó de ser el segundu equipu filial del Real Uviéu pa evitar un posible descensu de catgoría por arrastre, anque siguió como club collaborador y la mayor parte de los sos xugadores lleguen cedíos pol club azul.[3]
Uniforme
- Uniforme titular: camiseta colorada con detalles blancos y azules, pantalón azul y medies azules con ribetes blancos.
- Uniforme alternativu: camiseta blanca con detalles azules, pantalón y medies coloraes con ribetes azules.
Estadiu
El Club Deportivo Praviano xuega los sos partíos de llocal nel estadiu Santa Catalina, propiedá del conceyu de Pravia. Tien capacidá pa 3000 espectadores y ye de yerba natural.
Trayeutoria
|
|
Estadístiques
- Temporadas en Primer División: 0
- Temporadas en Segunda División: 0
- Temporadas en Segunda División B: 0
- Temporadas en Tercer División: 29
- Temporadas en Primer Federación: 0
- Temporadas en Segunda Federación: 0
- Temporadas en Tercer Federación: 2
- Participaciones en Copa del Rei: 2
Referencies
- ↑ La Voz de Asturias (ed.): «El Praviano aprueba la vinculación federativa con el Real Oviedo». Consultáu'l 8 de xunetu de 2019.
- ↑ El Comercio (ed.): «El Praviano se convertirá en filial del Real Oviedo». Consultáu'l 8 de xunetu de 2019.
- ↑ La Nueva España (ed.): «Oviedo y Praviano actualizan su acuerdo de colaboración» (1 d'ochobre de 2020). Consultáu'l 1 d'ochobre de 2020.
