.svg.png.webp){kind=small}
.svg.png.webp){kind=small}
Clement Richard Attlee (3 de xineru de 1883, Putney – 8 d'ochobre de 1967, Westminster Hospital (es) 
) foi un destacáu políticu británicu, llíder del Partíu Llaborista ente 1935 y 1955 y Primer ministru del Reinu Xuníu ente 1945 y 1951. Mientres el so mandatu sentó les bases pal establecimientu del estáu del bienestar nel so país creando, ente otres, l'asistencia sanitaria universal y gratuita en Reinu Xuníu. Ta consideráu como unu de los meyores primeros ministros del Reinu Xuníu, y como unu de los más populares.[11]
Biografía
Nació en Putney, Londres el 3 de xineru de 1883. Yera fíu d'un abogáu ricu. Dempués d'estudiar n'Oxford, exerció l'abogacía mientres un curtiu tiempu, pero llueu interesóse pola política y poles reformes sociales. En 1908 ingresó nel Partíu Llaborista Independiente, y más tarde nel Partíu Llaborista.
Mientres la Primer Guerra Mundial foi soldáu nel Exércitu Británicu.
En 1919 llegó a alcalde del distritu londinense de Stepney y nes eleiciones de 1922 foi escoyíu diputáu por Limehouse. Nos gobiernos llaboristes formaos en 1924 y más tarde en 1929 por Ramsay MacDonald ocupó diversos cargos de menor importancia. En 1931 refugó la coalición ente los llaboristes de MacDonald y los conservadores de Stanley Baldwin y en 1935 pasó a liderar el partíu.
Mientres los años siguientes sofitó midíes escontra l'Alemaña nazi y la Italia fascista, y pidió igualmente que'l so país sofitara al bandu republicanu na Guerra Civil Española. En 1940 pasó a formar parte del Gobiernu de concentración nacional dirixíu por Winston Churchill, faciendo importantes concesiones respeuto de les polítiques llaboristes n'ares de la unidá, asumiendo en dichu Gobierno distintos cargos, siendo vicepresidente del Gobiernu dende 1942. Abandonó'l Gobiernu en 1945, cuando yá taba práuticamente acabada la guerra que la motivó, y tres la so victoria nes eleiciones de xunetu, foi nomáu Primer Ministru.
Siendo Primer Ministru, nacionalizó'l Bancu d'Inglaterra y les industries del carbón, el gas, la lletricidá, los ferrocarriles, l'aviación civil y la siderurxa. Aneurin Bevan, ministru de sanidá nel so gobiernu, foi l'encargáu de crear el National Health Service ("Serviciu Nacional de Salú") y de la puesta en marcha del estáu de bienestar. En política esterior, concedióse la independencia a la India y abandonóse Palestina. En 1949 Gran Bretaña entró na OTAN.
Attlee dimitió como primer ministru tres una afecha victoria conservadora n'ochobre de 1951. En 1955, abandonó la xefatura del Partíu Llaborista. N'avientu de 1955 aportó a la Cámara de los Lores. Finó en Westminster, el 8 d'ochobre de 1967, y los sos restos foron soterraos n'Abadía de Westminster.
Referencies
- 1 2 3 4 5 6 Afirmao en: Oxford Dictionary of National Biography. Oxford Biography Index Number: 30498. Editorial: Oxford University Press. Llingua de la obra o nome: inglés. Data d'espublización: 2004.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Afirmao en: Oxford Dictionary of National Biography. Editorial: Oxford University Press. Llingua de la obra o nome: inglés. Data d'espublización: 2004.
- ↑ Identificador de persona en The Peerage: p4464.htm#i44636. Data de consulta: 7 agostu 2020.
- 1 2 3 4 Afirmao en: The Peerage. Llingua de la obra o nome: inglés. Autor: Darryl Lundy.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- 1 2 Afirmao en: Who's Who. Identificador de Who's Who (Reino Unido): U48054. Editorial: A & C Black. Llingua de la obra o nome: inglés británicu. ISSN: 0083-937X.
- 1 2 URL de la referencia: http://www.nobelprize.org/nomination/archive/show_people.php?id=550.
- ↑ URL de la referencia: http://www.nobelprize.org/nomination/archive/show_people.php?id=13391.
- ↑ Afirmao en: Lives of the First World War. Identificador de persona Lives of WWI: 100224.
- ↑ http://www.ipsos-mori.com/researchpublications/researcharchive/poll.aspx?oItemId=661 Ipsos MORI: Rating British Prime Ministers.
Enllaces esternos
Wikimedia Commons acueye conteníu multimedia sobre Clement Attlee 
.
| Predecesor: George Lansbury |
Líder del Partíu Llaborista 1935-1955 |
Socesor: Hugh Gaitskell |
| Predecesor: George Lansbury |
.svg.png.webp){kind=small} Líder de la Oposición del Reinu Xuníu 1935-1940 |
Socesor: Hastings Llees-Smith |
| Predecesor: Nengún |
Vizprimer ministru del Reinu Xuníu 1942-1945 |
Socesor: Herbert Stanley Morrison |
| Predecesor: Arthur Greenwood |
Líder de la Oposición del Reinu Xuníu 1945 |
Socesor: Winston Churchill |
| Predecesor: Winston Churchill |
Primer ministru del Reinu Xuníu 1945-1951 |
Socesor: Winston Churchill |
| Predecesor: Winston Churchill |
Ministru de Defensa del Reinu Xuníu 1945-1946 |
Socesor: A. V. Alexander |
| Predecesor: Winston Churchill |
Líder de la Oposición del Reinu Xuníu 1951-1955 |
Socesor: Herbert Morrison |
| Control d'autoridaes |
|
|---|
Datos: Q129006- Multimedia: Clement Attlee