Primeros años

Little, nació en Oklahoma, EE.XX.. Yera hermanu de la cantante DeEtta Little, conocida pola so interpretanción del cantar "Gonna Fly Now", tema principal de Rocky. Crióse en California y nun principiu asistió al San Diego City College y depués na San Diego State University, onde llogró una llicenciatura n'artes dramátiques.

Dempués de recibir una beca pa estudios de posgráu en Julliard, Little foi entrenáu na American Academy of Dramatic Arts.^[3]

Empiezos de la so carrera

Little empezó a actuar a finales de la década de 1960 en teatru. Nel añu 1970, actuó na producción de Broadway Purlie, pola que tuvo un premiu Drama Desk y un Tony. En 1971, actuó na película The Homecoming: A Christmas Story, producción de Los Walton. En 1971, actuó nel filme de cultu Vanishing Point, onde interpretó a Super Soul, presentador de radio de rock ciegu. En 1972, fixo'l papel del Dr. Jerry Noland, na sitcom de ABC Temperatures Rising. Dos años más tarde, interpretó al Xérif Bart na comedia Blazing Saddles, en 1974.

Na década de 1980, siguió apaeciendo en producciones teatrales, películes y n'apaiciones como convidáu en series de televisión. En 1989, ganó un Premiu Primetime Emmy al meyor actor invitáu na comedia de NBC Dear John. De 1991 a 1992, actuó na sitcom True Colors. La so última apaición en televisión foi en Tales from the Crypt, en 1992.

Últimos años de carrera

Dempués de Blazing Saddles, Little apaeció nes películes Greased Lightning, FM, High Risk, Scavenger Hunt, Jimmy the Kid, Surf II y Toy Soldiers. Little tamién apaeció nes series The Mod Squad, The Waltons, The Roockies, Police Story, The Rockford Files, The Love Boat, Fantasy Island, ABC Afterschool Specials, The Fall Guy, MacGyver y ALF.

En 1989, apaeció na serie Dear John, pola que ganó un Emmy como actor invitáu, ganando a Robert Picardo, Jack Gilford, Leslie Nielsen y Sammy Davis, Jr..^[4]

Little tenía un papel en Fletch Lives, la secuela de Fletch, de 1985. L'actor coprotagonizó xunto a Lauren Hutton y Jim Carrey la comedia de terror Once Bitten, de 1985. En 1988, Little tornó a Broadway p'apaecer como Midge en I'm Not Repport, de Herb Gardner, xunto a Jace Alexander y Mercedes Ruehl.

Little foi contratáu pa protagonizar la serie de televisión Mr. Dugan, onde diba faer d'un congresista negru, pero la serie foi mal recibida por congresistes negros y foi atayada enantes de salir al aire. En 1991, reemplazó a Frankie Faison como Ronald Freeeman, un dentista negru casáu con una ama de casa blanca, na sitcom True Colors. Esi mesmu añu, tuvo un papel secundariu na serie de TV Bagdag Cafe, apaeciendo en 12 episodios. Darréu foi contratáu pa interpretar a un abogáu de derechos civiles nel docudrama Separate But Equal, protagonizada por Sidney Poitier. Tamién apaeció na serie de televisión MacGyver, como Frank Colton, xunto a Richard Dean Anderson y Dana Elcar.

Muerte

La última apaición de Little foi Tales from the Crypt. L'actor tenía problemes d'úlcera y problemes nel estómagu mientres los sos últimos años y detectóse-y cáncer colorrectal. Little finó'l 22 d'ochobre de 1992, a los sos 53 años.^[5] Les sos cenices fueron espardíes al Océanu Pacíficu.