Nes eleiciones autonómiques n'Asturies, el territoriu estremase en tres circunscripciones qu'arrexunten dellos conceyos.
Ye la única comunidá autónoma peninsular qu'utiliza como circunscripción eleitoral unes zones inferiores a la provincia.
Correspuenden a cada circunscripción eleutoral un mínimu inicial de 2 diputaos de los 45 que conformen la Xunta Xeneral del Principáu d'Asturies, distribuyéndose ente les mesmes los 39 restantes en proporción a la so población de drechu según los siguientes criterios:
- Axudicar a cada circunscripción tantos diputaos como resulten en númberos enteros d'estremar la so respectiva población de drechu pola cuota de repartida que se llogra al estremar la población total de derechu d'Asturies por 39.
- Distribúyense los restantes diputaos asignando unu a caúna de les circunscripciones que'l so cociente resultante na operación anterior tenga una fracción decimal más grande.
Na I, II y III llexislatures, les circunscripciones Central, Occidental y Oriental teníen asignaos, respectivamente, 32, 8 y 5 diputaos. A partir de la IV la distribución camudó a 33, 7 y 5. Na VII llexislatura la distribución volvió camudar a 34, 6 y 5.
La circunscripción central ye na que mayor concentración de persones atópense, formada polos principales nucleos de población de la comunidá. Nella voten los habitantes d'Uviéu (capital d'Asturies), Xixón y Avilés. Tamién arrexunta a los conceyos de les conocíes cómo les Cuenques Mineres.
Nes circunscripciones Occidental y Oriental, conocíes pelos medios rexonales cómo "las alas" (les ales, n'asturianu), concéntrase principalmente la población rural anque podemos atopar importantes nucleos de población cómo Ribesella y Llanes (Oriente) o Cangas, Navia y A Veiga (Occidente).
El votu nes trés circunscripciones foi xeneralmente similar al del restu de la comunidá, con una supremacía del PSOE, siendo entá más clara nes circunscripciones del Oriente y del Occidente.
Na circunscripción oriental, tolos escaños partieronse ente'l PP y el PSOE hasta 2012, cuándo FORU llogró 2 escaños. Na occidental hubo una mayor pluradidad política, en parte por cuenta de que parte más escaños que l'Oriente.
