05-01-2023 07:26
Anthus spinoletta
chis de los puertos
Estáu de caltenimientu
Preocupación menor (LC)
Esmolición menor (IUCN)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Motacillidae
Xéneru: Anthus
Especie: A. spinoletta
(Linnaeus, 1758)
Distribución
Consultes
[editar datos en Wikidata]

Les especies d'aves con nome común en llingua asturiana márquense como NOA. En casu contrariu, conséñase'l nome científicu. El chis de los puertos[2] (Anthus spinoletta) ye una ave paseriforme. Ye un pocu mayor que'l chis de los praos, estremándose d'ésta poles pates escures, una llinia supraciliar blanca y el plumaxe castañu y non verdosu.

Distribúise poles tierres altes d'Europa central y del sur.

Descripción

El chis de los puertos pue considerase una ave de media que tien un plumaxe bastante discretu de tonos pardos col pechu blancu y llistáu. Pel branu el plumaxe d'esta ave carauterízase por tener tonos pardos escamplaes con llistes de color blancu nel envés, ente que'l so banduyu ye blancu con una llixera tonalidá rosa-amarellentaes, que namái ye apreciable col exemplar mui cerca o teniéndolu na mano. Destaca na so tiesta una banda de color buxu dende'l güeyu hasta'l pileu, según un baberu de color claru. La so cola ye llarga de color marrón y colos cantos blancos ente que les sos pates son de color pardu escuru y sobre los güeyos tien nuca. Pel iviernu el plumaxe escurezse, destacando entá más les bandes ablancazaes una ancha llista blanca, bien marcada, que llega cuasi hasta l'alares.

Hábitat

L'hábitat del chis de los puettos ye'l monte, los praos de monte y polo xeneral les zones pocu arbolaes onde abonden les camperes y los regueros de monte.

El chis de los puertos ye una ave presente na Sierra de Baza, anque nun puede considerase abondosa, una y bones esta especie desenvuélvese más llargamente na zona norte de la Península Ibérica. Trátase d'una especie que suel tar nos praos d'altu monte con llamargues y polo tanto atopa nesta sierra unu de los sos hábitat preferíos yá que cunta con una gran cantidá de zones d'altu monte, onde abonden los praos y camperes alpines onde suel desenvolvese la vida d'esta especie, en busca constante d'inseutos y pequeños invertebraos. Nel iviernu, baxa altitudinalmente ya inclusive se recibe la visita d'exemplares nortizos y ye posible atopalu nos ríos y regueros de la periferia del parque a la busca de ninfes de mosquitu y otros inseutos acuáticos.

Reproducción

Anthus spinoletta spinoletta

Llegáu'l mes de mayu entama la construcción del ñeru que va tar asitiáu nel suelu y va ser la fema quien, valiéndose de yerba seco, mofu y tarmos secos la que prepara'l llugar de cría. La puesta habitual ye de cuatro a cinco güevos que van ser guaraos pola fema. Tres dos selmanes d'incubación nacen los pitos qu'ocuparen el ñeru mientres unos diez díes, pa darréu siguir siendo alimentaos por dambos conxéneres nes cercaníes d'este.

Alimentación

L'alimentación d'esta especie básase na captura de pequeños inseutos y polo xeneral d'invertebraos. Suel prindar les sos preses mientres se mueve corriquiando y dando pequeños saltos pel suelu. Tamién suel usar les roques y pequeñes talayes de piedres pa reparar y llanzase a la gueta d'alimentu. Tamién se mueve peles veres de los ríos y regueros, a la gueta d'inseutos acuáticos.

Carauterístiques

  • Llonxevidá: pueden vivir hasta cinco años
  • Peso: 36 gramos aproximao.
  • Valumbu: coles ales abiertes pueden midir alredor de 27 cm.
  • Llargor: 17 cm. aproximao.

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.