Anna Cecilia Malmström (15 de mayu de 1968, Estocolmu) ye una política sueca, qu'anguaño ocupa'l cargu de Comisaria de Comerciu na Comisión Europea dende'l 1 de payares de 2014.
Cecilia Malmström nació en Estocolmu, y creció en Gotemburgu y Francia. Fala suecu, inglés, español y francés de forma fluyida y tamién fala un pocu d'alemán ya italianu. Mora anguaño en Gotemburgu col so home y los sos dos fíes ximielgues.
Antes d'ocupar esti cargu, foi Ministra d'Asuntos Europeos del Gobiernu suecu, ente 2006 y 2010 y eurodiputada ente 1999 y 2006. Enantes ocupara cargos a nivel llocal nel conceyu de Gotemburgu
Ye miembru del Partíu Popular Lliberal, que forma parte de l'Alianza de los Demócrates y Lliberales per Europa.
Cuando yera diputada del Parllamentu Européu, yera miembru de la Comisión d'Asuntos Esteriores y miembru sustitutu de la Comisión de Mercáu Internu y Proteición del Consumidor. Mientres el so mandatu como diputada, empecipió la campaña web [oneseat.eu], que'l so oxetivu ye que la sede permanente del Parllamentu Européu seya Bruxeles.
Cecilia Malmström sofita la integración de Suecia nel euru. N'agostu de 2007, foi unu de los políticos que sofitó un nuevu referendu sobre l'adopción del euru (el primeru foi en 2003).
Referencies
- ↑ Afirmao en: Enciclopedia Brockhaus. Identificador de Brockhaus Enzyklopädie en línea: malmström-cecilia. Apaez como: Cecilia Malmström. Data de consulta: 9 ochobre 2017. Llingua de la obra o nome: alemán.
Enllaces esternos
Wikimedia Commons acueye conteníu multimedia sobre Cecilia Malmström 
.
- (n'inglés) Páxina de la comisaria na web de la Comisión Europea
| Control d'autoridaes |
|---|
Datos: Q234872- Multimedia: Cecilia Malmström