Catalunya Ràdio
radio
Llocalización
Sede Barcelona
Direición España
Historia
Fundación20 xunu 1983
Eslogan "Escolta't" (ca)
Bolsa de valores Catalunya Ràdio (es) Traducir
Varios
Premios
Web oficial
Cambiar los datos en Wikidata

Catalunya Ràdio ye una cadena de radio pública qu'emite en Cataluña. Empecipió les sos emisiones nel añu 1983. Ye una de les cuatro emisores de radio que formen parte de la Corporación Catalana de Medios Audiovisuales (antigua Corporación Catalana de Radio y Televisión).

Historia

En 1983, la Generalitat de Cataluña, al amparu del so Estatutu d'Autonomía, decidió poner en marcha la so primer cadena de radio, coles mires de promocionar y normalizar la llingua y la cultura catalanes. La medianueche del 19 al 20 de xunu de 1983 la emisora empecipió les sos emisiones, siendo Miquel Calçada Olivella Mikimoto l'escoyíu pa pronunciar les primeres pallabres.

En 1989, seiss año dempués, Catalunya Ràdio lideró per primer vegada les audiencies de Cataluña. Dende 1994 esti lideralgu caltúvose de forma ininterrumpida hasta 2009, cuando dexa'l testimoniu a RAC1.

En 1995, Josep Maria Clavaguera ye escoyíu direutor de la emisora pública, cargu qu'ocupa hasta qu'en 2002 ye destituyíu pol entós direutor de la Corporación Catalana de Radio y Televisión, Miquel Puig[1]. Como sustitutu ye designáu Eugeni Cabanes,[2]periodista que va dirixir la emisora pública dos años.

En 2004 Montserrat Minobis asume la direición de Catalunya Ràdio, nun periodu marcáu pola inestabilidá interna de la empresa, que desagua nuna fuelga de los sos trabayadores nel añu 2005[3] y na marcha de dos de les sos principales estrelles, Toni Clapés y Jordi Basté, a la emisora privada RAC 1.[4] En xunetu de 2005, un añu dempués d'aportar al cargu, Minobis dexa la direición en manes d'Oleguer Sarsanedas.

El programa Hem de parlar en direutu dende la Plaza Cataluña de Barcelona mientres la Diada de Sant Jordi 2009.

Pa la temporada 2005/06 incorpórense los periodistes Joan Barril, col programa El café de la República, Bernat Soler al mandu de Els millors anys de la nostra vida y Xavier Grasset, quien ocupa les tardes col magacín De quatre a set.[5] Sicasí, el nuevu espaciu nun consigue caltener l'audiencia de Toni Clapés, siendo reemplazáu un añu dempués por otru magacín, On vols anar a parar?, con Llucià Ferrer al frente. Coles mesmes, la temporada 2006/07 tamién supón el regresu de Manel Fuentes a la emisora, col espaciu Problemes doméstics.[6]

La temporada 2008/09 la emisora sufre abondos cambeos nos sos principales espacios: el magacín de les mañanes, El matí de Catalunya Ràdio, el magacín de tardes, On vols anar a parar y el magacín de les fines de selmana, El suplement[7]. Nesti postreru, Xavier Solà abandona la persentación del programa tres venti años, pa faese cargu d'un nuevu espaciu na emisora: Concurs d'escurras. El relevu tómalu Núria Ribó. Nes tardes, la emisora sustitúi'l magacín de Llucià Ferrer por Hem de parlar, un programa presentáu por trés presentadores: Marta Alonso, Flora Saura y Míriam Fuster. Finalmente, en El matí de Catalunya Ràdio, Neus Bonet sustitúi a Antoni Bassas, tres catorce años al frente del programa más escucháu de la radio en Cataluña. El 18 de xunetu de 2007, con motivu del últimu programa, decenes d'oyentes arrexúntense nes puertes de la emisora p'amosar el so refugu a la marcha de Bassas por considerala una represalia de calter políticu,[8][9] yá que pocos meses enantes Joan Ferran, diputáu del Partit dels Socialistes de Catalunya, acusara al llocutor d'aprovechar la emisora pública pa llanzar arengues nacionalistes.[10] Otru de los cambeos destacaos de la temporada ye la recuperación d'un programa históricu de la emisora, esaniciáu cuatro años enantes, La nit dels ignorants, presentáu nesta nueva etapa por Mireia Mallol.

Cobertura

Catalunya Ràdio dispón d'una rede de repetidores que-y permite cubrir tola Comunidá Autónoma de Cataluña, el Rosellón (Francia) y Andorra. Amás, emite en TDT en toa Cataluña, al traviés de les canales 61 en Barcelona, 60 en Girona, 58 en Lleida y 59 en Tarragona, amás d'emitir pol 65 nes Islles Baleares.

Ver tamién

  • Catalunya Informació
  • Catalunya Música

Referencies

  1. ↑ El Mundo (ed.): «Miquel Puig destitúi a Clavaguera como direutor de Catalunya Ràdio» (español) (20 de marzu de 2002). Consultáu'l 9 de setiembre.
  2. ↑ El Mundo (20 de marzu de 2002). «Vicenç Villatoro noma a Eugeni Cabanes pa dirixir Catalunya Ràdio» (español). Consultáu'l 9 de setiembre.
  3. ↑ La Malla (ed.): «Los trabaydores de Catalunya Ràdio quieren cobrar lo mesmo que los sos compañeros de TV3» (catalán). Consultáu'l 9 de setiembre de 2008.
  4. ↑ La Malla (ed.): «Oleguer Sarsanedas sustituirà a Montserrat Minobis al frente de Catalunya Ràdio» (catalán). Consultáu'l 9 de setiembre de 2008.
  5. ↑ La Vanguardia (05/09/2005). «Joan Barril torna a Catalunya Ràdio y Grasset lidera les tardes» (catalán). Consultáu'l 9 de setiembre de 2008.
  6. ↑ La Vanguardia (13/07/2006). «Manel Fuentes y Llucià Ferrer seran les voces de Catalunya Ràdio los mediodías y les tardes de la temporada próxima» (catalán). Consultáu'l 9 de setiembre de 2008.
  7. ↑ El Periódico de Catalunya (6/9/2008). «Les muyeres tomen les mañanes y les tardes de Catalunya Ràdio» (español). Consultáu'l 9 de setiembre de 2008.
  8. ↑ y-notícies (18/07/2008). «Glayíos de "Joan Ferran, botifler" nel adiós de Bassas» (catalán). Consultáu'l 9 de setiembre de 2008.
  9. ↑ El Periódico de Catalunya (19/7/2008). «Bassas pieslla 14 años de 'matins' murniu y dolíu» (español). Consultáu'l 9 de setiembre de 2008.
  10. ↑ Vilaweb (27/06/2008). «Antoni Bassas dexa 'El Matí de Catalunya Ràdio' por discrepàncies cola direición» (catalán). Consultáu'l 9 de setiembre de 2008.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.