| Castiellu de Gauzón | |
|---|---|
| Castiellu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Castrillón |
 | |
El castiellu de Gauzón alcuéntrase nel conceyu de Castrillón (Asturies), na talaya conocida como El Picu Altu.
Güei'l castiellu ta práuticamente desapaecíu, ello ye que gran parte de les piedres que lu conformaben foron sacaes polos vecinos del llugar pa construyir otres edificaciones (cases, ilesies...). La fortificación tien una importancia pergrande pa la historia d'Asturies, ya que nelli endolcóse de piedres precioses la Cruz de la Victoria.
Los historiadores fechaben el so orixe nel sieglu IX basándose nos rellatos de les cróniques, mas les últimes pruebes realizaes con carbonu 14 daten la construcción a mediaos del sieglu VII, lo que pa los investigadores del xacimientu podría poner en dulda la teoría cuadonguista, asina como la situación socio-política asturiana a lo llargo del reinu visigodu.[1]
