Carly Schroeder
Vida
Nacimientu	Valparaiso, 18 d'ochobre de 1990[1] (33 años)
Nacionalidá	Estaos Xuníos
Llingua materna	inglés
Estudios
Estudios	Universidá Luterana de California
Llingües falaes	inglés[2]
Oficiu	actriz de televisión, actriz de cine, actriz
IMDb	nm0775455

Carly Brook Schroeder (18 d'ochobre de 1990, Valparaiso) ye una actriz de cine y televisión d'Estaos Xuníos, más conocida por interpretar el papel de Serena Baldwin, la fía de Scotty Baldwin y Lucy Coe nel spin-off Port Charles de la serie General Hospital. Tamién participó frecuentemente na serie Lizzie McGuire de Disney Channel. En 2007 actuó en Gracie, una película inspirada nuna traxedia real de la vida de los actores Elisabeth Shue y Andrew Shue.

Primeros años

Schroeder nació en Valparaiso (Indiana). El so hermanu menor, Hunter Schroeder, tamién ye actor: apaeció con ella en Gracie y en Los güeyos del Delfín. Los sos padres Paul y Kelli Schroeder anguaño moren nel condáu de Ventura. En 1993, mientres acompañaba a un primu a una audición, el direutor del casting pregúnto-y si la llenda de 3 años consideraría trabayar pa ellos. De primeres la so madre duldó alrodiu de la cuestión, pero cuesas como'l dineru pa la educación universitaria xugaron al so favor. Depués del so primer trabayu como modelu infantil d'anuncios impresos, empezó a trabayar neso para Sears Roebuck and Company, Kmart, Spiegel, Land's End, Chuck Y. Cheese's, ente otros. Schroeder graduóse na secundaria en xunu de 2009. Na actualidá estudia llicenciatura en comunicaciones y psicoloxía na universidá.

Carrera

En 1997, American Broadcasting Company (ABC) contrató a Schroeder pa representar a Sele Baldwin en General Hospital. Foi nomada dos veces pa un Premiu Young Artist pol so trabayu en dicha serie, primero en 1999 y depués nel 2000. En 1999 tamién foi nomada pa un Young Star Award por Meyor Interpretación d'una Actriz Nueva nun Programa de Televisión mientres el Día.

Schroeder tamién apaez como Melina Bianco na serie de Disney Channel Lizzie McGuire. Orixinalmente tenía d'apaecer una sola vegada, pero terminó participando en 12 episodios de la serie y na película The Lizzie McGuire Movie (2003), nel mesmu papel.

En 2003, Schroeder fixo una audición pal so primer llargumetraxe y llogró'l papel de Millie nel thriller Mean Creek. La película llogró grandes aponderamientos pa Schroeder y el restu del repartu, ganando'l premiu Humanitas Prize nel Festival de Cine de Sundance de 2004 y la Distinción Especial nel Festival Independent Spirit (2005) pol meyor repartu conxuntu.

El so siguiente papel foi na película Gracie, en 2006. Par llograr el papel, realizó un intensu trabayu de tres meses qu'incluyó un réxime diariu, non yá d'aptitú física, sinón tamién d'entrenamientu n'habilidaes avanzaes de fútbol con deportistes profesionales y entrenadores.

Mientres Gracie taba nos cines, otra película de Schroeder, Los güeyos del Delfín, taba recibiendo atención, ganando dos premios nel International Family Film Festival: Meyor Actuación Xuvenil por Schroeder y Película de Drama pola película. Nel Festival de Cine Kids First! n'ochobre de 2007, Schroeder recibió'l premiu por Meyor Actriz Emerxente, ente que la película recibió'l Premiu a Meyor Película.

Les sos películes más recién son Forget Me Not (2009), que s'estrenó'l 22 d'ochobre de 2009 en Hollywood y Slightly Single in L.A (2010), que terminó de rodase'l 19 d'avientu de 2009. Terminó tamién el rodaxe de Rites of Passage (2011).

Filmografía

Referencies

Enllaces esternos

• Wikimedia Commons acueye conteníu multimedia sobre Carly Schroeder .