Carlos de la Rica
Vida
Nacimientu	Pravia, 1929
Nacionalidá	España
Muerte	Carboneras de Guadazaón, 1997[1] (67/68 años)
Estudios
Llingües falaes	castellanu
Oficiu	escritor, poeta, sacerdote
Movimientu	postismu
Xéneru artísticu	poesía

Carlos de la Rica (1929, Pravia – 1997, Carboneras de Guadazaón) foi un poeta, editor y sacerdote asturianu, unu de los miembros del postismu.

Biografía

Nacíu de sópitu n'Asturies, la so familia vivió en Cuenca desque él namái cuntaba con dos años d'edá. Estudió en Cuenca, nel Seminariu de Santuyano y ordenóse sacerdote en 1956.

Foi párrocu nel pueblu de Carboneras de Guadazaón y la so contorna, un importante enclave históricu ya industrial nel conquense señoríu de Moya y arreyóse viviegamente nos movimientos sociales d'oposición al réxime franquista. Coles mesmes sofitó'l reformismu del Conciliu Vaticanu II.

Nel aspeutu lliterariu, comprometióse nel postismu xunto colos sos collacios poetes Ángel Crespo, Gabino Alejandro Carriedo y Federico Muelas. Collaboró nes revistes Deucalión y El Pájaru de Paja, participando nel llamáu realismu máxicu rompiendo cola llamada "poesía sacerdotal". Daquella escribió Ciudadela, publicada bien llueu en 1995 y La Casa (1960).

Nos sesenta, el so emplegu de los grandes mitos del clasicismu griegu y de la vanguardia na so poesía política -el realismu mitolóxicu- quebró cuasi definitivamente les sos rellaciones colos poetes sociales de la dómina, quienes nun almitíen nenguna vocación humanística fuera del so calter creyente, el so sofitu a la monarquía y a la causa israelina. Sicasí, el so compromisu social tampoco fizo que fuera aceptáu polos culturalistes "venecianos" o "novísimos" del 68; esi sesgu apréciase claramente en Edipo el rey (1965) y Poemas junto a un pueblo (1977).

Nos sos últimos años Carlos de la Rica volvió a los sos raigaños vanguardistes en Poemas de amar y pasar (1982) y el so Oficio de alquimista (1995), que se completó con esi xigantescu homenaxe a la cultura clásica grecollatina y xudeocristiana que fueron les sos Juegos del Mediterráneo, publicáu póstumu.

Daquella patrocinó la estética del neopostismu al traviés del grupu poéticu de «La Camama» protagonizáu por José del Saz Orozco, Manuel San Martín, Carlos Asorey y Luis Lloret, que sofitó per mediu de la fundación de la modesta editorial El Toro de Barro, fundada en 1965 y de significativu llabor na década de los ochenta. Ye la segunda editorial más antigua d'España y una de los diez más antigües del mundu dedicada n'esclusiva a la poesía.^{[ensin referencies]} Nos sos fondos figuren obres d'Ángel Crespo, Gabino Alejandro Carriedo, Eduardo Chicharro Briones, Carlos Edmundo de Ory y Rafael Talavera, según poemarios vanguardistes de les xeneraciones más nueves de la poesía española. El so llabor editorial síguelo anguaño'l críticu Carlos Morales.^[¿cuándo?]

Obra

Bibliografía

• Ángel Pariente, Diccionario bibliográfico de poesía española del siglo XX (2003)
• Amador Palacios, Recordando a Carlos de la Rica (2012)

Referencies