Cámbaru
cámbaru
Clasificación científica
Reinu: Animalia
Filu: Arthropoda
Subfilu: Crustacea
Clas: Malacostraca
Orde: Decapoda
Infraorde: Brachyura
Familia: Portunidae
Xéneru: Carcinus
Especie: C. maenas
(Linnaeus, 1758) [1]
Distribución
Consultes
[editar datos en Wikidata]

El Cámbaru (Carcinus maenas), ye un crustaceu marín de cuerpu achapláu más anchu que llargu de color verdoso escuro. Forma parte del orde de los decápodos, Sub orde "Brachyura" (griegu: brachy = curtiu, ura = rau). Esti orde, carauterizáu por tener cinco pares de pates, inclúi a los crustáceos de mayor tamañu, como llagostes, esguiles, arriendes de les diverses formes que se-yos denoma cangrexos.

Ta dotáu d'un exoesqueletu que'l so componente principal ye la quitina, que suel facer de cáscara, darréu que suel tar mineralizáu con carbonatu cálcicu. Como pal restu de los artrópodos, el xorrecimientu requier d'una muda del exoesqueletu, ocasión que munches especies aprovechen pa la reproducción.

Hai más de 4.000 especies d'animales que son o puen ser denomaos cangrexos. La mayoría viven averaos o dientro de l'agua, magar que dalgunos namái van al agua pa reproducise. Los cámbaros nun son bonos naladores, sinón que se desplazen pel fondu sobro les sos pates, el roquéu y en dellos casos son quien a tar fuera de l'agua. Dalgunes menes de cangrexos son quien a esguilar peles palmeres.

N'Asturies denómase Cámbaru o Cangrexu al cangrexu común (Carcinus maenas). El cangrexu de ríu (xen. Astacus y Austropotamobius), recibe'l nome de zancáu o zancarru, magar qu'esti últimu términu tamién s'usa pal (Scyllarus arctus), que ye un crustaceu marín de color pardo con manches coloraes na panza y el rabu asemeyáu al de la llagosta (castellanu:Santiaguiño).


Referencies

  1. ↑ Peter K. L. Ng, Danièle Guinot & Peter J. F. Davie. «Systema Brachyurorum: Part I. An annotated checklist of extant Brachyuran crabs of the world». Raffles Bulletin of Zoology 17:  páxs. 1–286. http://rmbr.nus.edu.sg/rbz/biblio/s17/s17rbz.pdf.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.