Caminos y Rondes | |
|---|---|
| Datos | |
| Varios | |
 |
Caminos y Rondes, presentáu por Xurde Morán, ye un de los programes históricos de la televisión n'asturianu. Tuvo emitiéndose cuasi una década en Televisión Local Gijón, siendo ún de los programes más vistos de la canal xixonesa, con porcentaxes de más del 20% de cuota de pantalla.
A finales de 2007, Morán pasa a Canal 10 col programa asemeyáu “L’andariegu” y nel so llugar y a principios de 2008 entama Alberto Álvarez Peña un nuevu programa n'asturianu. El formatu lleva a los telespeutadores a conocer la realidá rural d'Asturies de la mano de les charres del presentador colos vecinos de cada llugar, apoyáu por datos históricos y culturales de toa triba.
Nun entamu, l'espaciu diba dientro d'otros programes, tuvo ésitu y planteóse facer un programa más llargu ya independiente. Asina ñació "Caminos y Rondes" nel mes d'ochobre de 1998. A lo primero duraba 25 minutos, xunto con un coloquiu que presentaba otra presentadora. A les poques selmanes los datos señalaron que yera un programa de máxima audiencia y decidióse amplialu, primero a los 40 minutos y depués a los 50, saltando les fronteres del conceyu. Sacóse un videu resume que se presentó na Feria Muestres de Xixón nel añu 2000 y del que se fixeron dos ediciones, agotaes en mui pocos meses. Fízose ún de los programes emblemáticos de la cadena, con bien de premios.
