.svg.png.webp){kind=small} CV Bootis | |
|---|---|
Estrella de tipu-G de la secuencia principal, binaria eclipsante[1], estrella[1], near-IR source (en)  [1] y Estrella variable[1] | |
| Datos d'observación | |
| Ascensión reuta (α) | 231,58140140903 °[2] |
| Declinación (δ) | 36,98150938347 °[2] |
| Distancia a la Tierra | 252,813 pc |
| Magnitú aparente (V) | 10,99 (banda V) |
| Constelación | Bootes |
| Parallax | 3,9555 mas[2] |
| Gravedá superficial | 12 300 cm/s²[3] |
| Tipu espectral | G3V(N)[1] |
| Otros nomes | |
|
Ver llista
| |
 | |
Coordenaes: 
15h 26m 19.536s, 36° 58′ 53.434″
CV Bootis (CV Boo / BD+37 2641 / TYC 2570-843-1)[4] ye una estrella variable na constelación de Boötes asitiada a 844 años lluz del Sistema Solar. Visualmente alcuéntrase a 32 minutos d'arcu al sureste d'Alkalurops (μ Bootis).
Sistema estelar
CV Bootis ye una binaria eclipsante con un periodu orbital de 0,847 díes. El so rellumu varia ente magnitú aparente +10,65 y +11,48.[5] Los sos componentes son dos nanes marielles de tipu espectral G3V y G5V respeutivamente.[6] Nel eclís principal el rellumu d'esta binaria mengua 0,80 magnitúes.[7]
Carauterístiques de les componentes
La estrella G3V ye la componente más lluminosa —un 58% más que'l Sol— y tien una temperatura efectivo de 5760 ± 150 K. Ye un 3% más masiva que'l Sol y, con un radiu de 1,26 radios solares, xira sobre sigo mesma con una velocidá de rotación de siquier 71 km/s. El so acompañante tien una temperatura de 5670 ± 150 K. Ye un 28% más lluminosa que'l Sol y tien una masa de 0,97 mases solares. El so radiu ye un 17% más grande que'l del Sol y la so velocidá de rotación proyeutada ye de 67 km/s. Son estrelles vieyes rematando la so etapa na secuencia principal, siendo la so edá envalorada 10.000 millones d'años[6]
Esiste una discrepancia significativa nel tamañu de la componente secundaria, que ye un 10% mayor del que cabría esperar d'alcuerdu a los modelos d'evolución estelar. Esta diferencia reparada tamién n'otres binaries eclipsantes como V1061 Cygni y UV Piscium— suelse esplicar pola esistencia de fuertes campos magnéticos acomuñaos con actividá cromosférica, que tienden a tornar los movimientos de conveición; la estructura de la estrella afadríase amontando'l so tamañu, de manera que la so superficie radiara la mesma cantidá d'enerxía.[8]
Referencies
- 1 2 3 4 5 Afirmao en: SIMBAD.
- 1 2 3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ «Physical properties and evolutionary states of EA-type eclipsing binaries observed by LAMOST». The Astrophysical Journal Supplement Series (1). marzu 2018. doi:.
- ↑ V* CV Boo - Eclipsing binary of Algol type (SIMBAD)
- ↑ CV Bootis (General Catalogue of Variable Stars)
- 1 2 Torres, G.; Andersen, J.; Giménez, A. (2010). «Accurate masses and radii of normal stars: modern results and applications». The Astronomy and Astrophysics Review 18 (1-2). pp. 67-126. http://cdsads.u-strasbg.fr/cgi-bin/nph-bib_query?2010A%26ARv..18...67T&db_key=AST&nosetcookie=1.
- ↑ Malkov, O. Yu.; Oblak, E.; Snegireva, E. A.; Torra, J. (2006). «A catalogue of eclipsing variables». Astronomy and Astrophysics 446 (2). pp. 785-789. http://cdsads.u-strasbg.fr/cgi-bin/nph-bib_query?2006A%26A...446..785M&db_key=AST&nosetcookie=1.
- ↑ Torres, Guillermo; Vaz, Luiz Paulo R.; Sandberg Lacy, Claud H. (2008). «Absolute Properties of the Spotted Eclipsing Binary Star CV Boötis». The Astronomical Journal 136 (5). pp. 2158-2171. http://cdsads.u-strasbg.fr/cgi-bin/nph-bib_query?2008AJ....136.2158T&db_key=AST&nosetcookie=1.
