Cúmulu globular

Cúmulu globular
	tipu d'oxetu astronómicu
Parte de	galaxa

Un cúmulu globular (globular cluster, n'inglés) ye un tipu de cúmulu estelar que consiste nuna agrupación de 100.000 a 1.000.000 d'estrelles vieyes (esto ye, de Población II), gravitacionalmente amestaes, con distribución aproximao esférica y qu'orbita en redol a una galaxa de manera asemeyada a un satélite. Son estes estrelles vieyes les que-y dan a los cúmulos globulares el so típicu color doráu, namái visible per duana de la fotografía en color.

Composición

Los cúmulos globulares tán xeneralmente compuestos per cientos de miles d'estrelles vieyes, del mesmu tipu que les que componen el bulbu d'una galaxa espiral, pero confinaes nun volume de namái unos pocos pársecs cúbicos. Dellos cúmulos globulares (como Omega Centauri na Vía Lláctea y G1 en M31, la galaxa d'Andrómeda) son extraordinariamente masivos, del orde de dellos millones de mases solares. Otros, como M15 (otru cúmulu de la Vía Lláctea), tienen nucleos desaxeradamente masivos, lo que fai abarruntar la presencia de furacos prietos nos sos centros.

Con unes poques esceiciones notables, cada cúmulu globular paez tener una edá definida. Esto ye, toles estrelles d'un cúmulu globular tán cuasi na mesma etapa de la so evolución, lo que suxer que toes se formaron al empar. Foi la reconocencia d'esti fechu, estudiando les diagrames de Hertzsprung-Russell de cúmulos globulares, lo que dio llugar a una primer teoría d'evolución de les estrelles.

Los cúmulos globulares tienen una densidá estelar bien alta, de manera qu'esisten fuertes interaiciones ente les sos estrelles componentes y suelen asoceder choques con relativa frecuencia. Dellos tipos exóticos d'estrelles, como les arrezagaes azules (blue stragglers, n'inglés), los púlsares milisegundu y les binaries de poca masa emisores de rayos X son muncho más frecuentes nos cúmulos globulares.

Artículos

Elson, Rebecca; Hut, Piet; Inagaki, Shogo (1987). Dynamical evolution of globular clusters. Annual review of astronomy and astrophysics 25 565. NASA ADS
Meylan, G.; Heggie, D. C. (1997). Internal dynamics of globular clusters. The Astronomy and Astrophysics Review 8 1. NASA ADS

Referencies

Enllaces esternos

Cúmulos globulares, páxines Messier del SEDS (inglés).
Cúmulos globulares de la Vía Lláctea (inglés)
Catálogu de parámetros de cúmulos globulares de la Vía Lláctea, por William Y. Harris, Universidá McMaster, Ontario, Canadá. (inglés)
Una base de datos de cúmulos globulares, por Marco Castellani, Observatoriu Astronómicu de Roma, Italia. (inglés) (nun #funcionar en payares de 2012).
Estudiu fotométricu de la cefeida V2 en M13
Periodu, Amplitú y curva de lluz de V38 en M13
Cúmulos globulares n'otres galaxes (inglés)
Cúmulos globulares n'otres galaxes (otra estimación) (inglés)

Ver tamién

Cúmulos en movimientu

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.