Bud Abbott
Vida
Nacimientu Asbury Park (Nueva Jersey), 2 d'ochobre de 1897
Nacionalidá Bandera de Estaos Xuníos d'América Estaos Xuníos
Muerte Woodland Hills, 24 d'abril de 1974 (76 años)
Causa de la muerte cáncanu
Familia
Casáu con Betty Abbott (en) Traducir (1918 – )
Fíos/es 2
Familia
Estudios
Llingües falaes inglés[2]
Oficiu actor de televisión, actor de cine, productor de cine, actor de teatru, actor de voz, especialista de cine, comediante, actor
Llugares de trabayu Estaos Xuníos
Premios
IMDb nm0007941
Cambiar los datos en Wikidata

William Alexander Bud Abbott (2 d'ochobre de 1897, Asbury Park (Nueva Jersey) – 24 d'abril de 1974, Woodland Hills) foi un actor, productor y comediante d'Estaos Xuníos.

Biografía

William Alexander Abbott nació n'Asbury Park, Nueva Jersey. Pasó los sos primeros años nel Ringling Brothers Circus, onde los sos padres trabayaben; d'esta esperiencia viéno-y la so vocación p'actuar y empezó a trabayar.

Nos años 20 xunto col so hermanu Harry intentó entamar una cadena de teatros que resultó un fracasu, por eso dedicóse al music hall, en qu'interpretaba al personaxe seriu en duos risibles.

En 1936 acomuñó con Lou Costello formando'l dúu risible Abbott and Costello, teniendo ésitos sobremanera na radio. Buster Keaton llegó a dicir qu'ellos yeren actores de la radio más que de cine.

En xunu de 1939 tamién trunfaron en Broadway, na revista Streets of Paris, y al añu siguiente pasaron al cine. El so gran ésitu llevó a la productora Universal a rodar unes cuantes películes sobre les habilidaes risibles de la pareya. Destacaron del restu de los duos del cine y la televisión poles peculiaridaes que los estremaron. El rol de Bud Abbott, dientro del dúu constituyía un personaxe seriu pero qu'evidentemente s'aprovechaba del inocente Costello al qu'utilizaba pa tou provocando una sana hilaridá, por culpa de qu'esti actuando con torpeza, siempres estropiaba les intenciones del primeru.

L'ésitu que tuvieron motivó o inspiró la nacencia d'otros duos que de xuru tomaron gran parte de les carauterístiques d'estos, tal por casu el conformáu por Jerry Lewis y Dean Martin.

La so collaboración duraría hasta 1956 que foi cuando retomaron les sos carreres artístiques por separáu. Nesi tiempu Abbott volvió faer una asociación, agora con Candy Candido, actuando en sales de fiesta, pero la xunión resultó un fracasu total, pola alcordanza que tenía'l públicu de la so anterior xunión.

En 1967 foi contratáu por Hanna-Barbera como actor de doblaxe del so mesmu personaxe nuna serie de dibuxos animaos inspiraos en Abbott y Costello, dempués de trabayar en 156 capítulos volvió ser escaecíu.

Morrió por un cáncer de próstata en 1974, a los 78 años d'edá.

Filmografía

  • 1940: One night in the tropics
  • 1941
    • Buck privates
    • In the Navy
    • Hold That Ghost
    • Keep'em Flying
  • 1942
    • Ride'em cowboys
    • Ríu Rita
    • Pardon my sarong
    • Crime a medianueche ("Who done it")
  • 1943
    • It ain´t hay
    • Pistoleros ensin pistola ("Hit the ice")
  • 1944
    • In society
    • Lost in a Harem
  • 1945
    • Here come the Co-Eds
    • The naughty nineties
    • Abbott y Costello en Hollywood ("Abbott & Costello in Hollywood")
  • 1946
    • El pequeñu fenómenu ("Little giant")
    • La pantasma fuxe ("The time of their lives")
  • 1947
    • Buck privates come home
    • The wistful widow of wagon gap
  • 1948
    • The noose hangs high
    • Abbott y Costello escontra les pantasmes ("Abbott and Costello meet Frankenstein")
    • Sangre y arena ("Mexican Hayride")
  • 1949
    • Les mines del rei Salmonete ("Africa screams")
    • Abbott y Costello escontra l'asesín ("Abbott and Costello meet The Killer, Boris Karloff")
  • 1950: Abbott y Costello na lexón estranxera ("Abbott and Costello in the Foreign Legion")
  • 1951
    • Abbott y Costello escontra l'home invisible ("Abbott y Costello meet the invisible man")
    • El cazador cazáu ("Comin´ round the mountain")
  • 1952
    • Jack and the Beanstalk ("Jack and the beanstalk")
    • Perdíos n'Alaska ("Lost in Alaska")
    • Abbott y Costello escontra'l capitán Kidd ("Abbott and Costello meet Captain Kidd")
  • 1953
    • Abbott y Costello escontra'l Doctor Jekyll y Mister Hyde ("Abbott and Costello meet Dr. Jeckyll and Mr. Hyde")
    • Abbott y Costello van a Marte ("Abbott and Costello go to Mars")
  • 1955
    • Abbott y Costello escontra la poli ("Abbott and Costello meet the Keystone Kops")
    • Abbott y Costello escontra la momia ("Abbott and Costello meet the Mummy")
  • 1956
    • Dance with me, Henry

Referencies

  1. ↑ «Norman Abbott, Veteran Sitcom Director, Dies at 93» (inglés). Variety. Reed Business Information (12 xunetu 2016).
  2. ↑ «idRef» (francés). Agencia Bibliográfica de Enseñanza Superior. Consultáu'l 21 marzu 2020.
  3. ↑ URL de la referencia: https://walkoffame.com/bud-abbott/.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.