Brigada

Una brigada ye una formación militar compuesta por dos o más reximientos que puede xunise a otres brigaes formando una división.

Brigada

Una brigada d'infantería puede tar formada por un númberu d'efectivos que bazcuya ente los 4000 y los 6000 soldaos, magar que estes cantidaes pueden variar enforma ente exércitos y según el reclutamiento y les baxes que pueden sufrir.

El mandu suel ser dau a un el mayor[1] generalpor paìses, el xeneral de brigada o a un coronel, y pa delles fuercies armaes esta ye la unidá más esixente que puede mandase, especialmente a principios del sieglu XXI, onde l'enclín en dellos exércitos occidentales, casu del español, yera cuntar con unidaes non descomanadamente grandes, pero muncho más móviles, llegando inclusive a refugar la división del esquema de mandu. Sicasí, nos exércitos de mayor tamañu que caltienen la estructura clásica, el grau de xeneral de brigada otorgase a los oficiales en mandu d'una división, ente que'l mandu de les sos brigaes ta en manes d'un coronel ya inclusive un teniente coronel (ye'l casu delles brigaes del exércitu d'Estaos Xuníos).[2]

Brigaes famoses

Una de les brigaes más famoses foi la Brigada Llixera que lluchó na Guerra de Crimea y en 1854 foi práuticamente esterminada pola artillería rusa cuando se llanzaba a cumplir la desdexosa orde del oficial en xefe, James Thomas Brudenell, Xeneral Cardigan, calificáu como unu de los peores xenerales de la Historia.[3] Na Batalla de Balaclava los británicos perdieron el 85 % de los efectivos causando un escasu dañu al Exércitu de Rusia, que los abrasó cola so artillería (vease Carga de la Brigada llixera). Eso nun afectó al so xeneral, que foi alzáu a héroe al tornar a Londres.[4]

La famosa carga foi llevada al cine en dos causes. La primera en 1936 col títulu The Charge of the Light Brigade, que da una idea eponderada d'un actu heroicu. La segunda cinta, titulada La última carga de 1968, muncho más crítica cola actuación de los altos oficiales y más realista colo que foi la carga en sí.

The Charge of the Light Brigade inspiró tamién el cantar The Trooper, posiblemente la tema más conocida de la banda de heavy metal británico Iron Maiden

Na guerra civil española tenemos brigaes famoses como la XV brigada internacional (formada por ingleses y norteamericanos), dacuando llamada "Brigada Lincoln", o la 1ª brigada mista

Referencies

  1. ↑ Incluyendo el país que difine un general de brigada y la OTAN código rango OF-7.
  2. ↑ Sitiu oficial FF.
  3. ↑ José Antonio Guerrero, Los mejores y peores militares de todos los tiempos - Muy Especial Guerra y paz, G+J Ediciones, Madrid, xineru/febrero de 2001
  4. ↑ David Broggi, Crimea la primer guerra moderna, nᵘ 36 de la Clío (revista), Grupo Hachette Filipacchi, Madrid, octubre de 2004

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.