L'obispu Jean Francois Jamot con bonete
Bonete - Coleición Philippi

El bonete[1] ye un gorru de seda, rasu o terciopelo negru que se ponen na cabeza los eclesiásticos y antiguamente, los colexales y graduaos.

Esisten diferentes tipos de bonetes.

  • El de los eclesiásticos ye d'unos cuatro deos d'altura circular y uniforme sobre'l que figuren cuatro picos iguales más o menos salientes d'otros tantos espacios a modo de medies llunas o bien de cuartos llunares con una abeyota, a veces, si'l que lu usa ye graduáu, nel centru de la copa.
  • El de los colexales, etc. suel ser cuadráu y esquináu.
  • Por último, el de los graduaos, meyor llamáu birrete, tien seis llaos y picos non salientes con abiyota negra o de diferente color distintivu de la so facultá.

Dellos relixosos como los premonstratenses y abás de delles congregaciones usen bonete blancu.

L'escritor asturianu Antonio Balvidares Argüelles (1751 - 1792) na so composición El entierro del canónigo Reguero fai referencia al bonete d'esta miente:

Los callóndrigos venín

cadún per la so filera

vestidos de mantellina

y la capa d'estameña,

gorrote de cuatro picos

y encaxes a la francesa[2]


Referencies

  1. ↑ Esti términu apaez nel Diccionariu de l'Academia de la Llingua Asturiana. Ver: bonete
  2. ↑ Escelentísimu Sr. D. José Caveda y D. Fermín Canella Secades: Poesías selectas en dialecto asturiano, edición de l'Academia de la Llingua Asturiana, Uviéu, 1987, facsímil de la edición de 1887
  • Esti artículu contién material del diccionariu enciclopédicu popular ilustráu Salvat de los años 1906 a 1914 que ta nel dominiu públicu.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.