Bodhidharma
Vida
Nacimientu Irán, Kanchipuram (es) Traducir y Xiyu (es) Traducir, circa 483
Muerte Shaolin, 540 (56/57 años)
Profesor de Dazu Huike (es) Traducir
Q19855807 Traducir
Oficiu bhikkhu (es) Traducir, filósofu, Zen master (en) Traducir, monxu
Trabayos destacaos Long Scroll of the Treatise on the Two Entrances and Four Practices (en) Traducir
Creencies
Relixón budismu
Zen
Cambiar los datos en Wikidata
Bodhidharma, pintura sobro madera de Yoshitoshi, 1887

Bodhidharma (xaponés: Daruma; pinyin: Pútídámó; Wade-Giles: P'u-t'i-ta-mo) foi un monxu budista que vivió contra’l sieglu V (anque delles fontes opinen que nel VI), y del que tradicionalmente se creye que ye’l tresmisor y patriarca del Zen (chinu: Chán, sánscritu: Dhyāna) a China. Nun queda muncha información d'aquelles dómines sobre la vida de Bodhidharma, y les narraciones posteriores lléguennos entemecíes con lleendes, pero la mayor parte de los rellatos tán d'alcuerdu en que foi un monxu del sur de la India que marchó primero pal sur de China y posteriormente coló pal norte. Alderícase sobre la data de la so llegada: un rellatu antiguu diz que llegó en tiempos de la dinastía Liu Song (420–479), mentanto otros posteriores dicen que llegó cuando la dinastía Liang (502–557). Actualmente acéutase l'entamu del sieglu V.[1]

Práutica y enseñances

Meditación

Tánlín (506–574), nel so prólogu al testu atribuyíu a Bodhidharma Dos Entraes y Cuatro Actos, y Dàoxuān (596-667), nel Nueves Biografíes de Monxos Eminentes, menten una práutica de Bodhidharma denominada "arreguilar pa la paré" (壁觀 bìguān). Tanto Tánlín como Dàoxuān venceyen esta práutica d'"arreguilar pa la paré" cola d'"aselar la mente" (安心 ān xīn). N’otru llau diz tamién Dàoxuān: "Los méritos del métodu Mahayana d'arreguilar pa la pare son los más altos". Estes son les primeres menciones nel rellatu históricu de lo qu'igual ye un tipu de meditación budista zazen rellacionada con Bodhidharma.

Otramiente dizse nel Dos Entraes y Cuatro Actos:

Aquellos que tornen de la ilusión pa la realidá, que mediten pa les parés, l'ausencia d'unu mesmu y de lo otro, la unidá de sabiu y mortal, y que nun los mueven nin les escritures, tan dafechu y tácitamente acordies cola razón.

Malapenes inda nun se sabe lo que yera exautamente la práutica d'"arreguilar pa la paré" de Bodhidharma. Cuasi tolos rellatos coinciden en tratar esta práutica como una variante indefinida de meditación, o como una variante de la meditación sentada asemeyada al zazen (坐禪; chinu: zuòchán) qu'había ser más tarde una carauterística definitoria del Chan. Esta interpretación ye sobre too común ente los que siguen el puntu de vista del Chan.[2] Sicasí tamién hubo interpretaciones que víen esti "arreguilar pa la paré" como un fenómenu non meditativu.[3]

Lleendes

Bodhidharma y les artes marciales

Si se sigue’l Yi Jin Jing ("Clásicu del Cambéu de Músculos y Tendones"), la influyencia de Bodhidharma ye determinante nel aniciu del Kung Fu de Shaolin, lo que lu convertiría nuna influyencia perimportante nes artes marciales en xeneral. Pero hai que tener en cuenta que tanto l'atribución del Kung Fu de Shaolin a Bodhidharma como l'autenticidá de la so autoría del Yi Jin Jing fueron condergaes por historiadores como Tang Hao, Xu Zhen y Matsuda Ryuchi.

Deprendimientu

Hai una llenda que diz que Bodhidharma refugó siguir enseñando hasta que’l que sería’l so discípulu Dazu Huike, que tuviera sollerte delles selmanes metanes la nieve al pie’l monesteriu, tarazara’l so brazu esquierdu pa demostra-y sinceridá.

Referencies

  1. ↑ Macmillan Encyclopedia of Buddhism (Volume One), pages 57, 130
  2. ↑ e.g., Keizan, Denkoroku;
    Child, Simon, "In the Spirit of Chan".
  3. ↑ Broughton (1999), páxs.67–68, onde se da una interpretación dende’l Budismu Tibetanu del "arreguilar pa la paré" como daqué asemeyao al Dzogchen.

Ver tamién

Enllaces esternos



This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.