Blanca Fernández Ochoa
Vida
Nacimientu Madrid, 22 d'abril de 1963
Nacionalidá España
Muerte Cercedilla, agostu de 2019[1] (56 años)
Causa de la muerte muerte por caída desde altura (es) Traducir
Familia
Hermanos/es Francisco Fernández Ochoa
Estudios
Llingües falaes castellanu
Oficiu
Oficiu esquiadora alpina
Premios
Cambiar los datos en Wikidata

Blanca Fernández Ochoa (22 d'abril de 1963, Madrid – circa agostu de 2019, Cercedilla) foi una deportista española, destacada nel esquí alpín femenín.

En 1992 convertióse na primer muyer en consiguir una medaya olímpica pa España nunos Xuegos d'Iviernu, concretamente la de bronce nel eslalon nos Xuegos Olímpicos d'Albertville, Francia.

Foi hermana del tamién esquiador Francisco Fernández Ochoa (1950-2006).

El 24 d'agostu de 2019 foi vista por última vegada, siendo denunciada la so desapaición díes dempués, que dio entamu a unos llabores de busca ensin precedentes na hestoria de la Comunidá de Madrid. El día 4 de setiembre de 2019 foi atopada muerta[2].

Biografía

Blanca ye la primer fía que tuvo'l matrimoniu formáu por Dolores Ochoa (1926) y Francisco Fernández dempués de cinco fíos varones. Ñació en Madrid cuando la so familia vivía nel barriu de Carabanchel, pero bien llueu se treslladó colos sos pás y hermanos al puertu de Navacerrada, qu'entós daquella cuntaba con una población bien amenorgada. Ellí la so infancia trescurrió en llibertá y en plena naturaleza entrando en contautu inevitablemente cola ñeve que cubría'l puertu mientres cuasi la metá del añu.

Con once años y debíu al ésitu del so hermanu mayor Paco (campeón olímpicu), Blanca treslladóse a un centru d'entrenamientu con internáu pa deportistes d'iviernu en Viella nos Pirineos de Lérida.

Darréu xuniríense-y otros de los sos siete hermanos.

El 18 de xunetu de 1991, con ventiocho años d'edá, casóse nel Monesteriu d'El Escorial col italianu Daniello Fioretto, al que conociera con namái catorce años d'edá cuando esquiaba en Suiza. Acabaron divorciándose y contraxo segundu matrimoniu con David Fresneda, con quien tuvo dos fíos, David y Olivia, anque la xunión tamién terminó en divorciu.

El 24 d'agostu de 2019 foi vista per última vegada, siendo denunciada la so desapaición díes dempués[3]. Tres dellos díes de busca, el so cuerpu ensin vida foi topáu cerca del visu del picu de La Peñota, na sierra de Guadarrama, el 4 de setiembre[4]

Premios

  • Premiu Reina Sofía al meyor deportista española en 1983 y 1988, dau poner CSD y apurríu nos Premios Nacionales del Deporte.[5]
  • Medaya d'Oru de la Real Orde del Méritu Deportivu, dada pol Conseyu Cimeru de Deportes (1994)[6]

Ver tamién

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.